أين أنت (يتيمة وسط الميراث) ميلي/بسام /قصة حقيقية جزائرية

حلقة 26

#بقلم_هاندا ريفالدا handa rivalda✍️✔️

قالي اسكتي متهدريش بزاف  انا لي نهدر -وانا منيش حابة نسمعك -علاه تسمطي فيا ومحبيتيش تردي وديك لافوطو علاه درتيها  يسما كلامي البارح طيشتيه وكي نروح منعرف وش ديري تاني -احشم اصلا انت علاه راك حاطني ف راسك روح اتهلا في حبيبتك انا معندك مدخلك فيا  ولا كي شفتني ساكتتلك راني غير محترماتك تقول عليا ضعيفة  روح تهلا ف حبيبة القلب -وانتي هذا وش حارقلك قلبك يخي غير انا لي نفهم -افهم كما تحب ودرك وين مديني رجعني نقرا عندي كور مهم -انا لي نقريك كور اليوم ولازم تحفظيه مليح مليح -اوووووف ،مشا ف وحد طريق  حت حبس توال باطيمة عالية تحلو عينيا قلت اليوم نخلفلو العضة  ونهرب  -هيا اطلعي-وشنو وو وشنو  لوين نطلع معاك وقيل هبلت -كي شافني منيش حابة  نطلع هبط هو وجاي من جيهتي فتح الباب قالي بالشوي اهبطي نهدر معاك برك متخافيش -اهدر رانا ف طمبيل بسام بديت نخاف منك والله منسامحك لا كش مراح ديرلي-يااا ربي ع الخوافة علاه انا هبلت وش تشوفي فيا اهبطي نهدرو برك متضيعيليش وقتي -منهبطش الا عندك كش هدرة قولها هنا - هبطني بالقوة طلعنا كان ليطاج دوزيام فتح الباب كانت شقة مفروشة  بقيت توال الباب جرني لداخل -وليت نبكي نبكي خفت كش ميديرلي وهو يشوف معايا جا يقرب مني طبعتو وجبدت روحي زاد جبدني ليه طلعلي وجهي شفتو يتبسم-ههههه سبحان الله وكي تم تم تتبدل كنتي قبيل هايجة ودك راكي تبكي -بسام والله كش مديرلي منسامحك -اسمعي يا مصيبة  وش في راسك نحيه والوساويس الغبية تاعك تان نحيها  وهدي بالك مليح اقعدي عندي هدرة معاك قعدت راح جاب وحد  الاوراق يبان دوصي حطو قدامي شوفي ميليسا كاين وحد الموضوع لازم نحكي فيه معاك خفت نروح وتصرا حاجة بعدي ونكون بعيد شفت فيه مني فاهمة والو قتلو وش هاد الموضوع اهدر مسح على وجهو وقرب مني قالي اتكالمي اوكي اول حاجة ديريها في بالك بلي كلشي مليح -بسام انطق راك توتر فيا سكت مبعد قالي عمي عندو دا ك المرض وراه- مقبل يكمل هدرتو نضت -ك ك كيفاش ووش تقول انت وش راك تهدر شكون عمك قصدك بابا  ،ناض ليا قعدني وحكمني شوفي فيا راه مليح بصح لازم يداوي  وهو راه مخشن راسو  وليت نخبط ف روحي بابا بابا ياااارب بابا  لالا غي هاذي لالا يااااربي علااااه. ضمني ليه قالي ميليسا اتهدني والله مكنت رايح نقولك خفت عليك من هاد الحالة لي راكي فيها وهو موصيني منهدر لحتى واحد حت بابا  وعمي معلابالهمش هكذا حاب قالي منيش حاب نحيرهم عليا  -لالالا يااااا ربي لالا دك انا وش ندير -مديري والو  ديري روحك متعرفيش ميليسا متخليهش متحير عليك من الصدمة زدت زيرت عليه وقتلو لمن رايحة نقعد  أنا لمن بسام كش ميصرالو انا لمن نبقى ...