أين أنت (يتيمة وسط الميراث) ميلي/بسام /قصة حقيقية جزائرية

حلقة 70

#بقلم_هاندا ريفالدا ✍️✔️
بقيت هذاك نهار تم تكالميت شوي  رقدت بكري ونضت بكري زدت لقيت دم فوق مخدة وقيل زدت رعفت ف الليل ومفقتش لروحي  تقعدت من بلاصتي رحت غسلت محبيتش ندير الحس كانت الستة تع الصباح حست عليا نسمة ناضت هي تاني بقينا نشايخو حت وصلت 8 نضنا باباها راح للخدمة واحنا فطرنا دارهم نظيفة مكنش شغل غسلت ماعين لي استعملناهم سمعتها تهدر مع ماماها ف لاكام مبعد جات توالي -وش بيك -والو ماما كسرتلي راسي -والله-هذا وبن جابت الخبر  ومحوسة تولي مع بابا -هيه حاجة مليحة هادي وانتي علاه مقلقة -منيش مقلقة ميلي بصح بابا علابالي ميحبش وديجا عندو وحدة ف حياتو وتبانلي قريب يجيبها هنا قتلها لي فيها الخير يجيبها ربي مكنش كما لم العيلة بصح كل واحد راه يحوس على صلاحو -ايه عندك الحق ، تفكرت قصة خويا هذا لي ضهر ومنعرف عليه والو من غير اسمو شافتني تايهة -اي واش وين غبتي قتلها نسمة نقولك حاجة بصح بالاك تخرج من ولا من-بوووه عليك وانا لمن نخرجها شفت معاها وتبسمت-نسمة أنا عندي أخ من بابا -قولي والله من وين خرج هذا وكيفاش- حطيت راسي وقتلها منعرف والو ومعنديش بزااف ملي عرفت  ، تعرفي والله لا فرحتلك انشاء الله يكونلك سند تتكاي عليه وشحال ف عمرو هذا -منعرف بسام قالي عندو عشرين سنة بصح راني خايفة من لي جاي ومع قصة الورث هذا  وزيد خويا علابالي رايحة تتخلط -وانتي وش دخلك فيهم الشيء ملك باباك وانتم لي عندكم الحق فيه لي يقولك حاجة يعني راه طامع -تعرفي ميهمني لا ورث لا والو نحوس برك راحة بالي ونتهنى-اممممم راني فايقتلك -وشي نتي مين نفضفضلك تبداي -ههههه ياو المونك تع بسام لي بيك شوفي حالتك وشوفي وجهك كي تجبدي سيرتو كي يولي راكي طايحة فيه  ياااارب ويجمعكم ونتهنى عليك -ضحكت قتلها والله أجمل دعوة سمعتها توحشتو نسمة توحشتو بزااااف  بصح يا درا هو  -نقولك حاجة هو راه هابل عليك برك ميحبش يبينلك شفتو كيفاش يشوف معاك باين راجل قتلها راه زعفان مني عندو سمانة معيطليش -ميلي بيناتنا عندو الحق وانتي واش داك لتم عندهم وهو لوكان مجاش يغير عليك وهابل ميقولك متروحيش نتي راسك وش فيه -خلاص نسمة متزيديش عليا لي فيا يكفيني ، واحنا في حوار سمعنا الباب يصوني راحت هي فتحت مبعد عيطتلي رحت توالها شفت عمي سالم  واقف عند الباب  قالي هيا تروحي كان وجهو ميتفسرش بقا يشوف مع نسمة قالها روحي جيبيلها  ساكها وجرني من يدي مفهمت والو ستنيتها جابتلي ساكي وتلفوني بقات تشوف معايا ركبت معاه ساكتة حت وصلت طلعت وهو مورايا  مع دخلت شفتهم ف الصالو كان عمي فيصل وجدي تم ومرت عمي سالم يشوفو معايا دخلت قلت سلام عليكم ردوهالي ب البارد رحت توال جدي دار يدو على كتفي قالي اقعدي بنتي هنا توالي قعدت زاد لحق عمي سالم جا توالي قالي انتي علاه خرجتي البارح وش صرا شفت مع عمي فيصل كنت رايحة نقولو على صابر بصح محبيتش نفضح روحي يزيدو يفهمو النقص (كانت هاذي اكبر غلطة درتها كي مخبرتهمش)  قتلو والو تزايدت ف الهدرة مع لامية   زعفت وخرجت قالي علاه مجيتيش لعندي ااا ولا عاجبك حالك من دار لدار كنتي عندي وش خصك قالو عمي فيصل علاه وانا عندي كنت مطيشها ولا قاطعهم جدي قالهم طفلة كرهت من عيالكم كانت هنا كلاوها ب معاير نضل نسمع وزادت راحت لعند هذا كيف كيف انتم دك متحشموش ولا كيفاش حبيتوها تصبر راهي صغيرة قلبها محروق وجرحها مزال جدبد ملقات رحمة حتى في واحد هو يهدر وانا نبكي حطيت راسي على كتفو حسيت بالضعف والضياع ..