أين أنت (يتيمة وسط الميراث) ميلي/بسام /قصة حقيقية جزائرية

حلقة 21

#بقلم_هاندا ريفالدا handa rivalda✍️✔️

هبطت خرجت طليت نحسب فيه تم يستنا فيا ملقيتوش يااا وشبيه هذا كيفاش يروح ويخليني والله ماهي جاست حسيت بالوحدة  شغل واحد ماهو حاسبني وانا علاه جاية معاه اصلا هذا راه يتلون كي الحرباء مفهمتوش دخلت قعدت ف الصالة نحيت العباية سماطتلي خلاص منروحش دك نعيط لخديجة نستسمح منها  جيت نعيطلها لقيت دخلني نومرو معرفتوش هزيت عليه الو -وين راكي نتي عرفتو بلي بسام قتلو -روح كمل طريقك انا بطلت منيش رايحة -وشبيك نتي اكي تبكي -وش دخلك فيا -وساكك علاه خليتيه عندي- يااا نسيتو -وانت علاه رحت ومستنيتنيش-وشبيك رايحة تاكليني اهدري بعقلك اخر كلمة قالها سمعتها قريبة دورت راسي لقيتو دخل من الباب نسيت مسكرتهاش -نضت وتلفون مزال في وذني شفتو هاز ساكي بقا يشوف معايا وانا راكبني الغش منو نحيتلو صاكي من يدو طيشتو فوق الفوتاي -قالي خارجة هكذا نتي معندكش لي يحكم فيك -شفت مع روحي ايييي شافني عريانة كنت نحيت العباية درت يدي على صدري  -وانت علاه تدخل بلا اذن وين حاسب روحك  ولا نسيت بلي راك ف البلاد -ضحك -وشبيك راكي تغلي وحدك -روح انا منيش رايحة -وعلاه-هاكذاك نفحتلي جا قدم ليا صدمني كي شدني من  يديا وزيرهم  ورا ضهري -أسمعي يا قطة  الا كش مواحد مقلقك متحطيش زعافك فيا اوكي راني كبير عليك متعيطيش في وجهي هبط عينيه  دارلي بصبعو في شق تع صدري وهذا غطيه علاه راكي كاشفاتو لمن راكي تنعتي فيه- حليت عينيا -جبدت يديا كان شادهم طبعتو متحركش آخر مرة تحط يدك عليا تفهم زاد قرب وجهو جا في وجهي ولينا نشوفو مع بعضانا منكدبش صح لساني كان يهدر بصح قلبي كان ينبض ليه كي زاد قرب مني كنت رايحة نفقد توازني بين يديه بصح تحكمت في روحي قد مقدرت نطق بصوت خفيف -أطلعي بدلي الروبة راني نستنا فيك يالله - زدت صممت على قراري -الا حاب تروح روح قتلك انا منيش رايحة ولا ينسف -يالله مضيعيليش وقتي نحسب لثلاثة تتحركي من قدامي -انت متفهمش ولا ااا قتلك منروحش بالسيف يعني ،جرني من ذراعي مطلعني -وشبيك اطلقني لوين طالع روح وخليني لا دك نعيط لبابا نقولو -وش تقوليلو ااا بلي محبش كي شافني عريانة وقالي استري روحك ااا انطقي ،كان وصلني للشمبرة ي الله خمس دقايق اني هنا توال الباب خبطت باب الشمبرة في وجهو اففف رهج انت قعدت ع السرير وهو كان يستنى فيا طولت كي حس بيا منيش خارجة فتح الباب عليا ...