أين أنت (يتيمة وسط الميراث) ميلي/بسام /قصة حقيقية جزائرية

حلقة 31

#بقلم_هاندا ريفالدا handa rivalda✍️✔️

جا العيد الكبير اسمط عيد في حياتي  مجانا حتى واحد ومرحنا لحتى واحد ديك حالة تع ذبيحة تعاونا انا وبابا  حتى كملنا طيبت وش عرفت المهم نسلك روحي وخلاص كان همي الوحيد انو بابا ميتقاسش والباقي ساهل، عيطلي بسام غافرلي ونسمة واول مرة يعيطولي خوالي بعد متوفات ماما خالاتي زعما لي كنت حاطتهم من ريحة ماما من نهار الجنازة مزدت شفتهم وخالي تاني  شغل انا طحت من السما منيش دمهم  كنت منيش رايحة نرفد عليهم وخزيت شيطان غافرتهم تع واجب برك  ليه ليه كوبيت روحو بعيد عليا كي كانو دموعي يسيلو وحدة فيكم متفكرتني جاو دارو الواجب وراحو ...فات داك نهار الأول عيطت لطاطا قاتلي كيفاش ننصب مرقة تع البربوشة وجدتها ف الليل رخت توال بابا لقيتو مهوش كما حوالو يبان فاشل حاكم بلاصتو ويتفرج كي شافني محبش يبين وانا عيني عليه رحت قستلو سخانة لقيتها طالعة شوي وهو يقولي راني مليح متقلقيش محبيتش نخلعو رحت درتلو تيزانة فيها قرنفل والقارس شربتهالو فورصي ديك الليلة بقيت معاه لنص ليل حتى حسيت عليه رقد بش رحت حكمت بلاصتي كانت 12 وقيل ، شفت تلفوني لقيت نسمة معيطتلي شحال من مرة  دخلت لقيتها اونلين حكينا لبعضنا وفضفصنا همومنا هي حالتها تاني كما انا تاني في زوج وحدانيات ،وانا نحكي معاها دخلني ميساج من عند بسام قالي (وش مسهرك ف هاد الليل) قتلها نسمة هيا تصبحي بخير غدوة انشاء الله   ورديت عليه قالي راني سهران الحالة هنا كارثة قالي شاك انا وراني مقيوس -ياااا بعيد الشر عليك علاه تخلع فيا هكذا -يا عمري متخافيش هيا احكيلي وش درتي فيها اليوم -وليت نحكيلو حتى وصلت قلتلو بابا راه مسخن حسيتو تخلع ومحبش يحسسني -ميليسا غدوة يجي واحد توال الدار احكمي عليه وش يمدلك اوكي-شكون هذا -واحد صاحبي دك نبعث معاه دوا تع لاقربب وبلاكي كش متمديلو حاجة وحد أخرى اوكي بقا ينصح فيا حت قتلو نعست قالي خلي لابال تمشي وارقدي اوكي درت كما قالي حطيت تلفون ف صدري دايرتو سبيكر نسمع في تنفس تاعو حاساتو معايا مهم جرعة امان من عندو لاشتا عن بعد ....صباح نضت شفت شحال مشات لابال لقيتها فايتة 3سوايع نضت غسلت توضيت وصليت ندعي ندعي ربي يفوت هاد البلاء علينا رحت تفقدت بابا لقيتو مزال 9وهو راقد مش موالف تلفوني يعيط شفتو لقيتو عمي موسى هزيت عليه غافرلي وقالي افتحي الباب راني لتحت رحت هبطت درت بافات فتحت عليه سلمنا عن بعد غافرلي و سقساني  على بابا قتلو بارح كان مسخن قالي متغفليش عليه والا زاد عليه الحال خبريني في ساع -ايه يكثر خيرك عمي وسال على تع الدار دخلت دوك قضيان ولقيت مرتو باعتة شوية قاطو ومطلوع يكثر  خيرهم دخلتهم وغسلت يديا  بقيت متحيرة على بابا طلعت لعندو لقيتو فطن ويبان عليه بلي مريض جيت نقرب ليه قالي ابقاي بعيدة  بنتي بلاك راني مفيرس....