أين أنت (يتيمة وسط الميراث) ميلي/بسام /قصة حقيقية جزائرية

حلقة 39

#بقلم_هاندا ريفالدا✍️✔️

مع الدخلة يااااااا هذا الشعور وليت نشوف من ومن وين نلقاه  بصح والو غير الحيوط  مقابلين الضلمة مجيت نمد ديك الخطوة اول مرة نخاف من دارنا هكذا شغل باين فيها جو الحزن  دخلو لخرين فتحو تواقي ، طالعة ف الدروج وخديجة معايا جيت ندخل لشمبرتي دورت راسي شفت شمبرة تع بابا ونتخطف ندخل ليها وسكرت الباب على روحي خديجة طبطب عليا محبيتش نفتحلها حبيت نقعد وحدي  نشوف مع فراشو ونتخيل فيه هنا  حت كأس تع الماء لي يشرب منو هزيتو في يدي ونمس فيه ااااه يا بابا لمن خليتني شكون ليا من بعدك لوكان تشوف وش صرا فيا وانت مزلت تتنفس ودك وش راح يصرالي وانت تحت التراب الله يرحمك وتكون من اهل الجنة عيشتني أميرة تحت جناحك انشاء الله تلقاها جنة تستنا فيك يا بابا العزيز نهدر ونبكي والباب يطبطب حت سمعت صوت نسمة  وليت نحبي على كرعيا بش نفتحلها كانت هي وخديجة شافوني هاكداك جراو ليا نسمة تبكي وتعيط كما انا هي كانت قريبة لينا وكانت شاهدة على حياتي ودلالي وحزني وفرحي راحت خديجة وخلاتنا قتلها سكري الباب ب مفتاح  هزتني من الأرض رقدت فوق سرير تاعو هي تحاول تسكت فيا وانا شغل راهي تقولي زيدي  هذا وش قادرة ندير قتلها خليوني نبرد قلبي خليوني عندو غير انا خليوني نبكي بش ميقولوش مخلاش لي يبكي عليه انا هي لي نبكي عليه -خلاص ميلي ارحمي روحك شوية هو مات ربي يرحمو راكي تعذبي فيه -انا لي راني نتعذب كون غير نلحقه يا نسمة معندي مندير انا وحدي  صعيبة الوحدة صعيبة يا نسمة ختي موت ماما عراتني وموت بابا قتلني  آآآآآآه يا بابا طل وشوفني  قتلها شحال الساعة قاتلي 12:30 ،  تقعدت من بلاصتي خارجة هكداك ب عباية وحفيانة هبطت دوك دروج نجري مكان حتى واحد غير  نسا عمومي وبناتهم وكاين زوج نسا من لافامي اكل دايرين لي بافات كل وحدة حاكمة جهة شفت فيهم و رحت للكوزينة لقيت طاطا سجية تم توجدلهم وش يوكلو وهما قاعدين مربعين لهيه  شافتني جات توالي قتلها طاطا وقتاش يجيبوه-والله معلابالي بنتي بصح منضنش يجيبوه هنا -كيفاش ميجيبوهش -راه فيه المرض ولي راهم يموتو ب كورونا  يدفنوهم ديراكت -ياااا خلا داري  منشوفوش تاني وليت نندب وهي حاكمتني جات مرت عمي تجري -وش بيها قاتلها راهي تحوس تشوف باباها -جات تنوضني مقدرتش  سمعت صوت عمي سالم دخل جا عندي وقالي بنتي خلاص مديريش هكذا قاتلو مرتو راهي محوسة تشوفو قالي الله غالب منقدروش دك رانا نستناو يخرجوه ونروحو ندفنوه -معليش نروح معاكم ادوني معاكم -راه المرض وين تروحي اصلا واحد مجا الناس اكل خايفة وزيد كونفينمو الله غالب جات هكذا -انا نجي معاكم لاشتا نتفيرس خليوني نموت معندي مندير ف هادي الحياة....