أين أنت (يتيمة وسط الميراث) ميلي/بسام /قصة حقيقية جزائرية

حلقة 16

#بقلم_هاندا ريفالدا handa rivalda ✍️✔️

طليت على  بابا لقيتو رقد رحت قدمت ليه طمنت عليه بلي يتنفس قعدت ف الكرسي ونتفرج فيه كانت 12 تع ليل بدا يجيني النعاس نجي نغفى منبعد نفطن ف الأخير استسلمت ورقدت ...نحس في واحد هزني وحطني فوق سرير كان فارغ تم فتحت عينيا لقيتو بسام عاودت غمضتهم مدرت حتى ردة فعل حطني غطاني وقعد ع الكرسي......جاتني الفطنة لقيتو متكي راسو ع الكرسي ومكسل رجليه مع  هو طويل واصلين للباب راقد مهوش جايب خبر  وشحال شباب كلشي فيه مطبوع تفكرت كي حضني يعني هدا والله ميشبه لعقلية تع ولاد عمي هادو لي نعرفهم ، شبعت مليح عينيا فيه حسيت بيه راح يفطن غمضت عيني لعبتها راقدة سمعتو تحرك وقيل ناض فتحت عيني بشوي شفتو خرج منعرف شحال كان الوقت  ،نشوف في بابا راقد ياربي واشفيهلي هذا وش قعدلي واحد مهو يحوس عليا لوكان يروح ويخليني بعيد الشر نفضت الافكار السلبية من راسي نضت رحت هزيت تلفون  كانت السبعة تع الصباح قعدت على داك الكرسي تم زماااان حت دخل شافني -ضباح الخير رديتلو جا قرب توالي قالي هيا تروحي تفطري -لا روح انت اما مهيش نافحتلي -والله يلا نوضي قدامي تشوفي-بسام منيش حابة نخرج لوين مديني حكمني من ذراعي هيا البسي -بفففف وش يفرض رايوو بن عميييي-خرجنا بقيت نشوف مزالت ضلمة شوي ركبت ف طمبيل مشا شوي وحبس جيت هابطة -لوين -ياخي قتلي تفطري-مكيش تشوفي فيها قهوة حبيتي تدخلي عند الرجال  -اااا متولهتش -راح دخل هو وانا خلاني ف طمبيل شوية وجا جابلي حليب وكرواسون وجي وهو تاني  فطرت عندو الحق انا ميتة شر ونزيد نتقلش عليه  هو كمل بالخف قالي وتزيدي تقولي منيش جيعانة ياااربي حنا البنات اكثر حاجة تحرجنا كي تكوني تفطري وكاين لي يراقب فيك  لقمة لي كانت رايحة تهبط حسيتها حبست ف وسط حلقي -كملي متحشميش نورمال -دورت وجهي للكارو هذا والله  وجهو صحيح ....كي كملت روحنا للكلينيك مع دخلة شفت عمي ولادو زوج واحد منهم صابر بقا يشوف معانا كي قدمنا توالهم نطق عمي -انتي وش جابك دك -قالو عمي هاذي كانت هنا بايتة وانا بقيت معاها محبتش تروح قد مدرت معاها  جا قاطعنا الطبيب كي دخل لعند بابا شفتو من الباب كان فاطن  دخل معاه بسام وعمي جيت داخلة حسيت ذراعي نصل درت نشوفو صابر -انت وش بيه قسامك راك قريب طيرلتي ذراعي-اسمعي وش كنتي ديري معاه -شكون هذا-متلعبيهاش عليا بهيمة-سڤم هدرتك ونحي يدك عليا  واصلا شكون انت حتى  تحاسبني -والله اني نشوف ولا عندك لسان وتعرفي تردي-صابر وشبيك انا لي راني باهتة فيك من وقتاش تحكي معايا هكذا  قادر روحك وانا نهدر جا بسام بقا يشوف فيا وفيه شافو كي حاكملي ذراعي حسيتو راح يدخل فيه ب دماغ نطق -وش كاين -لوخر طلق ذراعي ودخل ، يعطيك كسرة انشاء الله  بقا يشوف معايا وعقد حواجبو درت روحي منيش فاهمة دخلت لعند بابا  ،قالو الطبيب تقدر تخرج راك مليح لازم تحافظ على صحتك وبعد على الضغط والقلقة البارح لاطونسيو راهي قريب عوقاتك بابا غير يقول ايه .....خرجناه ف طريقي عيطتلي طاطا سجية قاتلي راهي ف الدار قتلها حكيتلها وش صرا......