أين أنت (يتيمة وسط الميراث) ميلي/بسام /قصة حقيقية جزائرية

حلقة 53

#بقلم_هاندا ريفالدا✍️✔️

رحت معاه للصالو كان جدي تم قعدت توالو سكر الباب وجا بدا يحكي نفس الموضوع تع الصباح -قتلو قالي عمي فيصل صباح -شاف فيا وقالي وانتي وين شفتي عمك -رحت للوزين ، تعجب-وانا مشفتكش تم معامن جيتي -مع وليد -سكت مهدر والو قالي مالا علابالك الشي هذا دارو ربي وقسمو في كتابو  -نعرف عمي لي تشوفوه هذاك هو نطق جدي قالو -انتم تبغو تفكو الحالة خليو الوزنة كما راهم وش خصكم المرحوم تعب عليهم دك كل واحد يحل وحدو تروح الخدمة والطفلة هاذي مخممتوش على مستقبل تاعها هي لقمتها راهي جي من الوزبن وانتم كي رايحين تقسموها مرة خلاف لمن تقعد هاذي وشكون يصرف عليها -قالو بابا حنا علابالنا وش رانا نديرو الطفلة بنتنا وحاجة متخصها معانا ولي لينا ليها هكذا بنتي متخافي موالو رانا هنا -ولا جدي يدور في راسو ويتمتم -قالي غدوة الصباح يجي محامي هنا ولا خلي ف الوزين خير صباح نديك معايا صونالو تلفون هز عليه قالو منعرف مش عندي شوف تم -قالي عمك فيصل يحوس على وحد الأوراق   خلاهم باباك ولازم يحضرو غدوة  بلاك راهم ف الدار -تفكرت دوك الأوراق لي نهار لميت انا ونسمة جيت نقولو مبعد منعرف كيفاش سكت قلت نسقسي بسام قبل  مبعد قالي روحي ترقدي دك وغدوة ان شاء الله نشوفو وين راهم نضت اول حاجة درتها عيطت لبسام هز عليا -افففف الحمد لله وينك عندك يومين مبنتش-علاه كشما بيك -والو احكيلي نتي وين غبتي نعيط متهزيش -راني هنا -وشبيه صوتك تباني مكيش مليحة-بسام-وي -كاين وحد الموضوع -وش هو اهدري-عمي فيصل الصباح داني للوزين وبقا يهدر معايا عل الورث والمحامي ودك باباك تاني قالي نفس الهدرة -كيفااااش من دك هبلوا هادو  ولا -بسام كاين وحد الأوراق لميتهم نهار الجنازة وراني مخبيتهم عند بيت نسمة -وش هما -كاين دوصي اصفر فيه بزاااف وراقي ووحد كلاسور تاني والباقي شغل فواتير وحسابات بنكية  -ميليسا اسمعيني مليح مليح عندك تقولي عليهم سمعتي بلاك تمديلهم دوك دواصا خليهم تم عند صاحبتك -علاه بسام باباك قالي لازم غدوة يكونو مع المحامي-علابالي انتي قولي منعرفش وينهم سمعتيني -ايه بصح معليش تفهمني علاه -ميليسا كاين وحد الموضوع انتي متعرفيهش وانا برك لي نعرفو وباباك قبل ميموت وين عرف وانا لي جبتلو الخبر مي منقدر نقولك والو دك خلي نشوف كيفاش نهبط الا قدرت  نهبط ف الطيارة تع الدواء منعرف بصح لازم نحضر انتي ديري كما قتلك برك -ايه ان شاء الله ...كوبينا ...وش هذا واحد ماهو ثايق في لوخر  ووش راه يهدر بسام حسيت كاينة حاجة يعرفها بصح مقالش وش هي ..