أين أنت (يتيمة وسط الميراث) ميلي/بسام /قصة حقيقية جزائرية

حلقة 68

#بقلم_هاندا ريفالدا ✍️✔️
حكمني من رقبتي هنا خلاص قريب ب لت على روحي وليت نحيلو في يدو عليا كان يجبد فيا وانا نحاول نبعد فيه وليت نعيط على طاطا طاطا نسيت بلي مكنش هنا خبطت باب برجلي -جبدني من اللور وكتفني من يديا وقاعد يخلط ف الهدرة ضربتو برجلي هو طويل عليا ،خلاص حسيت روحي بديت نفشل الخلعة سيطرت عليا -يا كلب بعد عليا رخيس  زاد حكمني من وجهي بيد وحدة ولوخرى حاكم بيها يديا  وقالي  -وش بينك وبينو متقوليش ولد عمي ومنعرف واش انا تان ولد عمك وش خصني انا ااا قولي فواش خير مني هو -وش راك تهدر اطلقني بعدني وليت نعيط نعيط حت سمعت الهدرة ف الهول غلقلي فمي  وانا نحاول نعيط من خوف فقد تركيز تاعو ضربتو بذراعي لكرشو وخرجت نلهث لقيت مرت عمي في وجهي شافت فيا مخلوعة -وش كاين دخلت لقاتو تم ولات تعيط -يا خاااه على داااري  يا خاه جات لامية تجري وشي ماما -قاتلها شوفي شوفي وش خليت مورايا خرج هذاك رخيس قالها بركاي متعيطي -اخرج منا حبيت تفضحني انا ومعامن مع هادي تشوف فيا فهمت وش كانت تقصد قتلها طاطا مشي كما فهمتي -لالا محسبتكش هكذا وش نتي متحشميش تدخلي بيتو حبيتي تحصليه فيك ولا اااا اهدري قالها هو ما حبسي وش راكي تخلطي -اسكت نتا يا الجايح بهلول قتلها طاطا احترمي روحك منيش فلتانة بش تحكي عليا هاكدا حاسبي ولدك لي لا تربية لا حشمة فكيت روحي منو بالسيف وليدك هبل وراه شارب ولا معلاباليش -بركاي متحسبي فيا طنهة لي كيفك نعرفهم مليح مليح ضاقت بيك وقيل اسمعي الا انتي معندكش لي يحكم فيك انا ولادي مربيتهم عمرهم لا فاتو الحدود  -طاطا ربي يسامحك هاذي مهيش هدرة تهدري فيها معايا علاه حسابك كي معنديش والدين في كتافي نخليك تهدري عليا وفي شرفي  راكي غالطة وعندك تزيدي تجبدي تربيتي -اييييه والله عندها الحق مرت عمك كي كرهت منك هي  تهنات وانا تبليت ضهرتي مكيش قليلة يا تربية زهرة-هنا خلاص الفيس لي كان في راسي زاد تخرب طرت فيها قتلها كي نتي كي لوخرى زريعة وحدة تلحقو ماما وتحكيو عليها راهي لالاكم وزهرة كي ماتت خلات زهرة خلاف ف بلاصتها  وهاهي دارك يا طاطا واسمحولي على هاد ليام لي قعدت فيهم.عندكم ضهرتو متتعاشروش  كي نتي كي لوخرى لوكان ما الحشمة من عمامي تكون عندي هدرة خلاف معاكم ودرت لهذاك وانت حسابك مزال معايا يا سوكارجي رخيس نطقت لامية من هيه -اييي احترمي روحك نتي لميناك درتي علينا  لوكان غي خليناك تتلاوحي من ومن  طرت فيها حكمتها من شعرها ومها تجبد فيا عليها مع لخر جبدني صابر عليها وعطاها كف وراح دخل شفت فيهم ودخلت لبست بيل طويل فوق البيجامة وهزيت ساكي وخرجت هاكداك وهما مزال يهدرو وانا هابطة ف الدروج ونبكي قد مشديت روحي توالهم بصح كلام قالوه كي السم يقتل وزاد جبدولي ماما ربي يرحمها  خرجت لبرا شفت طمبيل كنت رايحة نسوق لاشتا مزال مبتدئة ف سياقة وجامي جربت من قبل بصح قلت خلي بلاك ندخل في كاش حيط نتهنا من حياتي هاذي زدت شفت روحي ب بيجامة حشمت وليت عيطت لنسمة نهدر ونبكي ...