أين أنت (يتيمة وسط الميراث) ميلي/بسام /قصة حقيقية جزائرية

حلقة 37

#بقلم_هاند ريفالدا ا✍️
كي كملت  زدت خليت العجينة تع سوفلي تخمر شفت فيها دارت وحد الكسرة حاشة نعمة ربي هاذي مشكيتش تتكل وقيل لوكان درتها انا جي خير من هادي  ،جيت خارجة قتلها طاطا إكرام راهي مسكرة عليا الشمبرة وانا وين نرقد شافت فيا قاتلي اطلعي لفوق شنابر غير هما متعانديهاش راهي خفيفة  سلمت امري لربي وطلعت ليطاج هذاك مغبر ديجا مع الدخلة تحكمك السعلة فيه بزااف شنابر تفكرت ديك لي خرج منها بسام ديك المرة حبيت ندخل ليها فتحت الباب كانت شمبرة كاملة فيها سرير وكلشي وبيبيوتاك معمر كتابات بصح مغبرة زدت رحت طليت عل لخرين الدنيا مقلبة شكيت هادو من العرس تع خديجة مترتبوش سير عفتهم وليت لشمبرة بسام مسحتها وبدلت درا ومخاد وهبطت لتحت لقيت عمي تم قالي وين كنتي قتلو كنت لفوق نقيت شمبرة بش نبات فيها قالي علاه وشمبرة إكرام حطيت راسي محبيتش نقولو  نطقت ليه مرت عمي إكرام كي ضربتها الصباح راهي مزعفة وتعرفها زعافها واعر قالي روحي لشمبرة أنيس وارقدي وش داك تطلعي لفوق وحدك تم قاتلو اااا انيس ميحبش تعرفو (انيس خو بسام  ف صوناتراك هذا العام هبط لتم سطاج مهوش ف الدار) قالها عمي نورمال مفيها والو حسيتو حشم ، كملت داك سوفلي و تعشينا عمي عجبتو الشربة وديك لفعة كي عرفت انا لي طيبت محبتش توكل وراحت  كملنا غسلت الماعن  وتفقدت جدي وطلعت لفوق طحت على سريرو حسيت ب الدفىء والأمان شغل راه معايا زدت عيطتلو مهزش تحيرت تع الصح مش موالف ميعيطش زادت عيطتلي نسمة تتطمن قتلها راني بايتة وحدي ف ليطاج ولات تبكي عليا قاتلي غدوة نكون تم نديك بالقوة وش بيهم هادو ماتو قلوبهم  قتلها عادي غي يبرالي بابا برك الدنيا ومافيها  الزمان يدور  وجامي ننسى هاد لي جاست  رقدت تم طول الليل وانا نوم ف كوابيس شفت ماما وبابا كيف كيف كما بكري  نضت مفزوعة استغفرت شفت تلفون لقيتها الخمسة هزيت روحي  شعلت الضوء اول مرة جيني ماما ف المنام بعد متوفات  جيت فوق السرير وتربعت جات عيني على خزانتو حبيت نقرعج فتحتها لقيت كاين شوي قش فيها  معمر بريحة بارفان تاعو ردتلي الروح عاودت سكرتها ...