أين أنت (يتيمة وسط الميراث) ميلي/بسام /قصة حقيقية جزائرية

حلقة 27

#بقلم_هاندا ريفالدا handa rivalda ✍️✔️

قالي  بعيد الشر دك نقنعو يداوي وبربي انشاء الله يرتاح حبيت نقولك بش ديري بالك عليه وتتولهي معاه  معندوش من غيرك وانا راني بعيد -متروحش بسام اقعد هنا  قلتهالو وانا في قمة احتياجي وضعفي  لسند كما هو -شاف فيا وقالي متبكيش كوني قوية انا عندي موضوع راني نخدم عليه لازم نسافر والله ومجاش ضروري نزيد نقعد هنا حتى نقنعو يداوي بصح متخافيش عندي صاحبي طبيب راني موصيه عليه حتى يقنعو  وجبتك هنا بش نهدرلك مالقيتش فرصة خلاف بقيت مزيرة عليه ولا يمسح على ضهري وسكتنا في زوج مدة مبعد قالي هيا نوضي اغسلي وجهك نديك نوصلك لقرايتك قريب طيارتي وبلا منوصيك قرايتك واتهلاي في روحك وبيناتنا كونتاكت اي حاجة ولو صغيييرة لازم نعلم بيها اوكي  متخبي عليا والو - د تلو براسي ايه  ، رحت غسلت وجهي وخرجت منيش نفس العبد لي دخل خلاص دبلت شافني هاكداك عطاني داك الدوصي ميديكال وخرجنا زاد عطاني مفاتح قتلو ومفتاح علاه قالي احكميه عندك وخليه -لالا انا منحكمش مدو لخاوتك -ميليسا معليش طبقي ولو حاجة بلا متعارضيني يالله شدي خبيه عندك حكمتو عليه هبطنا كي ركبت بقيت نشوف معاه  السند الوحيد لي بعد بابا  نحس معاه ب الأمان راح يبعد.عليا وفي ضروف كما هاذي  لوكان حتى نقدر نقنعو ميروحش -تولهلي نشوف معاه حسيتو حتى هو مهوش حاب يروح بصح الله غالب وانا ملازمش نكون أنانية هاذي حياتو منقدرش نوقفلو عائق ...كي وصلني جيت هابطة جبدني ليه حضني وانا تاني نحاول نشبع روحي بيه ونشم في ريحتو زادو ولاو دموعي يطيحو مسحهوملي قتلو كي تلحق قولي -انشاء الله هبطت نتبع فيه بعيني تقول حسيت بلي رايحة نفتاقدو في أعز محني ، دارلي باي بيدو وراح  دخلت لقيتهم الكور الأول فات وراهم ف الثاني  بقيت قاعدة تم حتى خرجو جات نسمة توالي لقات حالتي حالة بقات مخلوعة -ميليسا وشبيك عمري-والو -متقوليش تدابزتو تاني  اهدري شفت معاها بحسرة -اوااااااه نتي راكي في حالة قولي وش دارلك قتلها نسمة عيشك انا منيش قادرة نزيد الكور هذا اني مروحة - قاتلي رجلي على رجلك هيا نروحو كامل ....وصلنا للدار طول طريق هي تهدر وانا ساكتة ونخمم من جهة مرض بابا ومن جهة غياب بسام  انا من جيهتي مشاعري اني فاهمتها  مشاعر تع حب وعشق تملك قلبي في مدة قصيرة وفرص قلال لي لاقاوني بيه قدر يدخل ويسيطر على قلبي بصح هو لحد الآن مدار حتى ردة فعل تاكدلي وش راني حابة منو صح مهتم بيا ووقف معايا لكن... اففففففف نهدر في قلبي  ، مع دخلنا قتلها نطلع نرقد شوي وانتي ديري وش تحبي مهم خليوني نرقد ومتعيطوليش للغدا منيش نافحتلي جات لحقتني -ميلي حيرتيني قوليلي وش بيك -نسمة عيشك متضغطيش عليا كي نكون مليحة نحكي لحبيبتي  -اوكي براحتك اني لتحت نتفرج  كش محتاجتي قوليلي..حكمت فراشي بقشي منحيتوش تفكرت داك دوصي خبيتو ف الخزانة عيطت لبابا طمنت عليه كان يخدم نسمع في الهدرة توالو ... قلت نزيد  نعيط لبسام بلاك يكون مزال مركبش  لقيتو طافي حطيت راسي عل المخدة تفكرت ماما حتى هي افتقدها بنفس المرض منيش قادرة نزيد نعيش نفس القهر والحرمان .....