أين أنت (يتيمة وسط الميراث) ميلي/بسام /قصة حقيقية جزائرية

حلقة 69

#بقلم_هاندا ريفالدا✍️✔️
بقيت نستنا توال الدار حت حبست توالي طمبيل كنت نحسب فيها نسمة لي جات ليا لقيتو وليد هبط يشوف معايا مستغرب -وش بيك علاش راكي برا البرد ادخلي -راني نستنا ف صحبتي دك جي -شكون صحبتك و لوين رايحة -رايحة لعندها وانا نهدر معاه شفت نسمة هابطة من طاكسي خليتو يهدر ورحت ديراكت ركبت  شفتو طلع للدار  كي قريب نوصلو عيطلي ف الطريق محبيتش نهز عليه  حتى وصلنا دخلت حشمانة حشمت من روحي حيرتهم معايا  بصح مشي بغرضي الله غالب ضروف عاكستني جات جبدتني ليها وداتني لشمبرتها قتلها ممكن متسقسينيش قاتلي علابالي بلا متحكي خودي راحتك ميلي ارتاحي هنا نخرج كش منديرلك توكلي -لالا نسمة لي فيك يكفيك منيش قادرة نوكل متحيريش روحك عليا حابة نقعد مع روحي شوي خرجت وخلاتني  قعدت وتكيت راسي للحيط هدرتهم تتعاود في وذني يعني انا وش شافو مني حتى عاملوني هكذا تفكرت العز لي كنت فيه والدلال  مهما كنت في داك الوقت مهيش عاجبتني حياتي كنت دايما نقول لوكان ولوكان بصح مع حالتي درك ياااارب نرجع لهاديك اللحظات ، بابا راح وخلاني حتى قبل ميودعني وش ندير لحالي آآآآآآه يا ربي ملقيت حد نسند عليه نهدر ونبكي كي وحدة مهبولة خلاص حالتي معادش تعجب لوكان نكمل هكذا سير ندخل المصح العقلي قهروني الله يجيبهالهم. شفت مخدة حطيت راسي عليها زمان كي هزيت لقيت فيها دم رعفت من القلقة والزعاف خرجت للدوش غسلت كنت طاشيت روحي جات توالي نسمة وشبيك -والو والو رعفت برك -اييي ارواحي تبدلي قشك متقلقيش روحك ميلي كنتي قوية فات عليك أكثر من هكذا-نسمة كلشي فوتو غي بش يشكو في تربيتي برك منقبلهاش شافت فيا وش تقصدي كش مصرا -قولي وش مصراش  رحت معاها مدتلي وش نلبس مبعد وليت حكيتلها كلشي قاتلي حق ربي متزيدي تعتبي بابي غي تقعدي هنا هادو مهابل دك يجي بابا ونقولو يروح بجيبلك قشك ميلي متشوفيش فيا زعما هادو من دمك يلعن هاد الدم كما يقولو همي من دمي هي  تهدر وتلفون صونا كنت رايحة نخبطو للحيط بش يطفا حد مجيب خبري  وليت ستغفرت وهزيت كان وليد -الو -الو وين تسكن صاحبتك هاذي-علاه تحوس-كيفاش بش نجي ليك تروحي-روح خليني وليد راني هنا مليحة ولاقية راحتي -ارواحي ونهدرو -مكان حتى هدرة سمعت عمي توالو قالو هات نهدر معاها -الو ميليسا وين راكي نتي علاه رحتي -عمي عيشك اني عند صاحبتي مكان علاه تتقلق عليا راني مليحة -كيفاش هذا تقعدي تم اني جاي وين تسكن هاذي -عمي عيشك خليني هنا منيش حابة نرجع -علاه وش صرا -سكت ولا قالي خلاص اقعدي اليوم وغدوة نجي ليك ...شافت فيا قاتلي بالاكي تروحي قتلها متحيريش روحك نولي عند عمي سالم  قاتلي كيف كيف من تكوي ومن تشوي  حطيت راسي بين يديا وزيرت على شعري ...