أين أنت (يتيمة وسط الميراث) ميلي/بسام /قصة حقيقية جزائرية

حلقة 47

#بقلم_هاندا ريفالدا✍️✔️

شفت مع الدروج قلت نطلع الفوق ونفرز الشمبرة تع بسام خير من نقعد هنا مقابلتها طلعت لقيت ليطاج نظيف سير بلي هاد لمرا هي لي نظفتو مزية تهنيت اووووف فتحت الشمبرة تاعو كانت نظيفة مرتبة ومعدولة تبسمت وحدي وحدي  تفكرتو سكرت الباب وعيطتلو هز عليا قتلو حل لاكام سكت مبعد قالي كنت رايح نقولك روحي لشمبرتي وحطي قشك فيها بصح تبقاي وحدك نخاف عليك -نورمال هنا خير منحبش الحس -اييييه لوكان غي جيت تم دك -كيفاش مفهمتش -والو يجي وقت الهدرة هاذي اسمعي اني خدام دك والحالة هنا متعجبش نكوبي عليك دك مبعد نعاودلك -اوكي  ، رحت فتحت خزانتو حايدت قشو على جهة وهبطت لتحت طلعت فاليزات جبدت قشي وحطيتو ف الخزانة جبدت سجادتي ورداء الصلاة حطيتهم على السرير خرجت رحت للدوش توضيت وقضيت صلاتي دعيت ربي ينورلي حياتي حت جات ديك لمرا طبطب عليا ارواحي تتغداي قتلها عيشك اسمحيلي بصح منعرفش اسمك قاتلي اسمي حياة -ايه حياة  مرت عمي على شحال جي من الخدمة قاتلي نهار تخدم صباح ونهار العشية بصح دك جي ف الغدا -ايه صحيتي  دك نهبط حطيت تلفوني يشارجي وهبطت قابلت ديك الفصعونة كليت شوي شوي ورحت طليت على جدي لقيتو متكي -جدي تغديت -ايه بنتي ارواحي توالي ، رحت توالو نمسحلو على شعرو ونحكيو حتى لقيتو غفى تبسمت غطيتو وخرجت كنت فايتة على شمبرة إكرام سمعتها تحكي بتلفون منعرف معامن تبان شغل راهي تبكي ولا  طلعت لفوق طلقت روحي على سرير ورقدت للعصر ..كي فطنت لتحت شافتني مرت عمي سلمت عليها تبان عادي جا عمي قالي علاه رحتي لفوق اقعدي هنا مع إكرام حت نفرغلك شمبرة أنيس قتلو لا عمي مكان لاه خلي نبقى لفوق لاقية راحتي شاف فيا وقالي بنتي من اليوم الدار دارك اي حاجة تحبي ديريها براحتك والا حتاجتي حاجة تاني راني هنا قولي برك -ربي يعيشك عمي لحد ساعة مني محتاحة والو يكثر خيركم شاف مع مرتو وخرج علابالي كان يسمعلها ف الهدرة  هي ف الحق مقاتلي والو شوي بنتها لسانها قبيح بصح نحاول نتجنب قد مانقدر حتى يهبط بسام ويديرلي حل بش نبقى هنا على طول من المحال يااارب وسهلي..
فات شهر  ملي رحت توالهم نقدر نقول بديت نتقبل حالتي ناكل ونشرب ونطلع لفوق هادا هو روتيني  الجامعة عقبت لي كنترول لي تأجلو وحمد لله طلعت العام، هاد السمانة تخرج لاليست تع الماستر ان شاء الله نكون فيها...