أين أنت (يتيمة وسط الميراث) ميلي/بسام /قصة حقيقية جزائرية

حلقة 65

#بقلم_هاندا ريفالدا ✍️

ليل كامل مرقدتش بايتة فاطنة  نخمم في حالتي وقيل للربعة تع الصباح بش غمضت عيني فطنت على حس ف شمبرة تفكرت وين راني خرجت راسي من تحت كوات شفتها تلبس في قشها وخرجت تقعدت شفت ساعة كانت 7 وراسي يوجع من قلة نوم زدت وليت غفيت شوي وحد ساعة ونضت لميت فراشي وعدلت شمبرة وخرجت معرفتش وين دوش  تاعهم  بقيت نحوس حت لقيته غسلت وجهي ورحت للكوزينة لقيت مرت عمي صبحت عليها قاتلي اقعدي افطري اني خارجة مع لامية منطولوش سكت شربت حليبي وهما خرجو كان الغدا يطيب خرجت من تم بقيت ندور،  انا هاد الدار ملي كنت صغيرة مجيتش هنا سمعت باب شمبرة تحلت كان صابر خارج يتكسل كي شفتو دهبلتي المشية -يا خاه هذا هنا وانا قلت مكانش محبيتش نبين خوفي قالي صباح الخير رديتلو ومشيت للشمبرة سمعتو يعيط على يماه  واحد مرد عليه جا توالي حل الباب قالي وين راهم -ااا راحو خرجو دك يجيو شاف فيا وراح  وليت نرجف خفت مبعد سمعتو كي خرج ولات فيا الروح  اففففف وليت نخبط في وجهي وش جابني هنا انا مرت عمي هادي مقودة كيفاش تخليني هنا وحدي وليت ناكل في صوابعي رحت طليت عل هذاك الغدا قريب تحرق طفيت عليه  سمعتهم جاو قاتلي صابر ناض قتلها ايه وراه خرج نطقت لامية قاتلي نتي متقرايش ياخي سمعت بلي درتي ماستر -ايه بصح مزال مبداو لي كور -آآآآآآ داكووور  رحت معاهم للصالو وش يحكيو عل الناس ڤرااااف قيل وقال فلانة وفلتانة ياااا ربي وش هذا  .
كي لحق الغدا جا عمي ووليد حطو تغدينا وليد هذاك يشوف معايا  يحقق وكل ميكون توالي يعيط بسام سبحان الله  درتو سيلونس ، كي كملت الغدا رحت للشمبرة هزيت عليه عليه قالي وين راكي علاه متهزيش نتي -والو بارح مسمعتوش-ميليسا بركاي من الكذب نعرفك-بسام منيش نكذب قتلك مسمعتش-ايه وين راكي دك -اااا راني ف دار -وعلاش راني حاس بلي راكي مخبية حاجة-سكت ملقيت وش نقول طبطب الباب كان وليد درت يدي على تلفون بش ميسمعش -قتلو ادخل -فتح ودخل قالي جيت ندي شارجور تع مونية برك درتلو براسي مقدرتش ننطق ، راح نحيت يدي على تلفون لقيتو ساكت ستنيت يهدر قتلو -بسام قالي وين كنتي -ااا هنا برك -معليش معليش  كوبا ديراكت ف وجهي حكمتني الفشلة.....