أين أنت (يتيمة وسط الميراث) ميلي/بسام /قصة حقيقية جزائرية

حلقة 81

#بقلم_هاندا ريفالدا✍️✔️

شافت فيا وشبيك تتبسمي خير -لا والو -امممم قربت ليا وقاتلي تحسبي فيا طنهة راني فايقتلكم-وش راكي تهدري خديجة -ههههه والو يجي وقتها -بففف بديتي هيا احكيلي عليك شوي ملي تزوجتي مسمعنا عليك والو -ايييه الزواج مليح ومش مليح قتلها خلينا من هاد الاسطوانة حفضناها لي تتزوج تحكي نفس الهدرة ها قولي كش مجاب ربي ولا -ضحكت قتلها يعني لي في بالي -ايه -ياااا مبروك لحبيبة حمد لله ربي يثبتولك علابالك فقتلك م قبيل كي دخلتي -ايه عندي شهرين...كانت تحكيلي على حياتها حتى وصلنا لقصة خويا هاذي قاتلي والله لا فاجأنا عمي بهاد المفاجأة  فرحتلك ميليسا والله ع الاقل عندك خو  شوفي انا خاوتي كاينين وغايببن واحد داتو الغربة من صغرو ولاخر كمل وش خلا  قوليلي وش دار عمي فيصل كي سمع -قولي وش مدارش كلانا ب الحس جدي مسكين كش نهار يديرلو جلطة  انا ومسلكتش منو -اييي مرتو ديك وولادو مهمش ساهلين  انا منرتاحلهمش -اييي خديجة متفكرينيش فواش صرا معايا تم -خير وش صرا  انا زي الأطرش ف الزفة  وليت حكيتها شدت راسها قاتلي هاذي مرت عمي فيصل تقول هكذا  اصبري نهبط ليها قتلها خليك منها داك الوجه ميحشمش.... كملنا ف حكاياتنا كانت قاتلتني ضيقة مزية لي جات بقات معايا عيطلي بسام كان تلفون توالها شافاتو وتبسمت ههههه هاكي درت روحي تفاجأت شكون اااا-او قييييو اني خارجة احكي براحتك سمعي خدوج متقوليش وش حكيتك لماماك تعرفي منيش حابة كثرة الهدرة -متخافيش اني لتحت اهبطي توالي -ايه ، راحت وانا هزيت عليه -الو -الو الو الو -ههه ضحكت -ا الحمد لله  كي ضحكتي افففف عندي وقت مسمعتهاش وش سبة الفرحة هاذي يا القطة -لا والو لازم تكون سبة -لالا انا مادابيا مين تهزي عليا نسمع هاد الضحكة الزينة-امممم وانت وشراك -الحمد لله  تعبت بزاااف دك  وليت ف خدمتي  -ااا تهنيت دايما مقلقة عليك -صح -ايه-امممم ميليسا -ويي-جا يهدر سمعت صوت مرا قاتلو بسام -مبعد قالي ميليسا منبعد دك راني مشغول اوكي ساعة ونعاودلك -كوبيت بقيت موسوسة بيسك كان صوت مرا افففف بغيت نخرجلو من تلفون  ، هبطت لتحت عندهم لقيت هاديك روحت تعشينا وشايخت شوي لتحت كي نعست هزيت روحي وطلعت نرقد وبسام عاود عيطلي مهزيتش عليه كنت نعسانة بزااااف كي كثر هزيت بصوت ناعس -وي -يااا القطة رقدت نخليك مالا -اممم نعسانة -اني نشوف حلي لاكام نشوف الغولة كي دايرة -بركا وش تشوف فيا راهي ضلمة -هههه خافتي نخلع عندك الحق-بسااام علاه تشتي تقلقني-بيسك راني نتخيل فيك كي تكوني مقلقة نبغي ناكلك-اااا -والو أرقدي أرقدي راكي طافية مره -بون نوي ......