أين أنت (يتيمة وسط الميراث) ميلي/بسام /قصة حقيقية جزائرية

حلقة 82

#بقلم_هاندا ريفالدا✍️✔️

الصباح نضت سطر قتلني تع مدام رو ج شربت حبة دوا وتكلت على ربي خرجت قابلني عمي لتحت قالي اطلعي نوصلك ف طريقي وصلني كانت الشتا اليوم خيط من سما غي هبطت دخلت نجري لداخل بش  منتشمخش قريت لي كور نسمة مجاتش عيطتلها مهزتش،  خرجت لبرا جيت نحكم طاكسي صونات عليا طمبيل دورت وجهي شفتو يشاورلي بيديه كان داك لي ميتسماش شفت فيه بإشمئزاز  بقا يحمرلي في عينيه  مدرتش عليه عطيتو بالضهر واقفة مزية كانت المطر حبست شوي كنت نحسب فيه راح حت سمعت صوتو يعيط  لوكان محشمتش من ناس بلاك ك فرت عليه كي سمطتو ولا يعيط هزيت عليه قتلو لم وش بقا من الكرامة لي بقاتلك وروح منا  قالي معليش ارواحي نهدر معاك برك -اسمع وقيل تحسب فيا وحدة ساهلة  يا والقنطة لي درتهالي الخطرة لي فاتت مزالت تحرق فيا  بصح معليش راكم تخلصو واحد واحد  روح منا ومتزيدش جي  -هيا تطلعي نوصلك اي تصب دك تتشمخي - كوبيت عليه  كانت جات طاكسي ركبت وخليتو .......
.......فات عام ع الكورونا  مزال المرض بصح كنا والفنا شوي جاز رمضان وزاد العيد الصغير  في هادو الايام عيطولنا بش يتقسم الورث وكواغط خويا تسڤمو ف المحكمة بصح مزال متواصلش معانا ، داني عمي سالم انا وجدي وحضرو عمومي تاني بقا حضور خويا وكي عادت الكورونا وهو بعيد وكل محامي ودارلو وكالة  قانونيا انا وخويا وجدي هما الورثة بصح ورقة تع تنازل مكانوش علابالهم بيها  هذاك نهار محامي بدا يقرأ فيها قدام عمومي  الدار  والوزين خلاهم بإسم خويا وانا  متنازل عليهم قانونيا والوزبن لوخر وباقي الأملاك لي باسمو تتقسم عادي عليهم  كما يقول الشرع والقانون  هنا عمومي بغاو يوكلو رواحهم  كيفاش وناض العياط لداخل عند نوتار حتا خرجهم  ولاو اجلو كلشي جدي مهوش سامع بيهم كي زاد قالهم انا ونتنازل على ورثة ابني - عمي فيصل بغا يضربو  انا غي ساكتة جا توالي المحامي لي وكلو خويا قالي مدموزال هذا نومرو تع خوك هو قالي حاب نحكي معاها بصح راه ميهدرش العربية -قتلو مش مشكل فرحت كي حوس عليا هزيت نومرو تاعو وحكمت جدي من يدو وخرجنا عمي فيصل راح مزعف ...ركبنا وصلت للدار ساعفت جدي لشمبرتو مسكين هبلوه هو مريض وزادو يضغطو عليه  قالي جيبلي نشرب دوا راني نسيتو ..