أين أنت (يتيمة وسط الميراث) ميلي/بسام /قصة حقيقية جزائرية

حلقة 63

#بقلم_هاندا ريفالدا✍️

درت الغدا حاجة خفيفة برك كنت وجدت طابلة دخلت ست الحسن تع مرت عمي ديراكت بدأت توكل قاتلي وين راهي إكرام مجاتش-راهي ف شمبرتها محبتش جي-وعلاه وش بيها-منعرف ناضت راحت ليها كملت نتغدا سمعتها تعيطلي -بففف وش تاني يا ربي رحت توالهم  قاتلي وش قلتيلها ميليسا -كيفاش انا مقلت والو علاه-ميليسا راه وجعني راسي منك قتلك ديك الخطرة اخطيها راهي صغيرة وانتي لالا تستناي نكون مكانش ودوري بيها -ربي يهديك طاطا وش هاد الهدرة علاه انا وش درتلها مقلتها والو شفتها ترجف جات توالي للكوزينة -وش دخلك فيها ياك متتفاهموش ميليسا راكي فتي الحدود تاعك راني حتمتك بزاااف قلت طفلة يتيمة وجابها عمها معليش بصح يضهرلي حابة تتفرعني هنا - شفت فيها والله يعطيكم الصحة ويكثر خيركم بزااااف بزاااف ملي جيت هنا وانتم تسمعوني درنا ودرنا زدرنا علاه وش حاسبتلكم انا جيت بغرضي الله غالب عليا تقدرت وزيد عمي لي حتم عليا نجي لوكان خداو رأيي منجي هنا وسطكم وبنتك هاذي راهي تكذب عليك  -الله الله طوال لسانك متقولي نحشم من مرت عمي كبيرة ولا -علاه خليتو القدر  يا رب العالي راكي تكوي فيا كل مرة وانا ساكتة نعڤب ولحد الآن مقلت والو وراني محترماتك  بنتك راهي بنت عمي من دمي تحيرت عليها مكيش تشوفي في حالتها بنتك بيها حاجة ا  مدام فيقي قبل متطفر فيها ، علا هاد الكلمة دخل عمي سمعني -جا ديراكت دخل بقا يشوف فينا وش كاين دك انا كل مادخل نلقا الحس نطقت مرتو شوف مع بنت خوك هادي عيشة راجل لي جبتلي هنا-قالها اسكتي نتي شحال من مرة قتلك اوزني كلامك -اييي يا سالم بزاااف شوف بنتك راهي كل مرة تتهاوش معاها جيت دك لقيتها هنا تبكي وكي عيطتلها ولات هنا تعيط علينا قتلو عمي مكانش منها هاد الهدرة  قالي -خلاص روحي اطلعي متزيدوش تتقابلوا مكمش تتفاهمو قتلو عمي سمحلي بصح انا نروح -وين تروحي-نروح لدار بابا -وش هاد الهدرة دك بركاينا اطلعي دك نجي نهدر معاك خليتهم وطلعت الدخان يخرج من وذني لهنا وخلاص سي بون مقدرتش نزيد نحمل هادو  موحال يتعاشرو لميت شوي قش ف فاليزتي كنت مقررة، خلي الواد يديني ولا هاد الذل ستنيت حتى هدات الحالة لتحت وهبطت ديراكت شافني عمي سالم  -ميليسا وش قتلك انا ااا ولا مديريش كلام عمك في رأسك-عمي والله مقدرت نزيد هنا خليني نروح -لوين تروحي يا طفلة -معليش لاشتا يامات برك نريح عند صاحبتي -مكان لا صحبتك لا والو المرض داير حالة وين تروحي نتي اقعدي هنا  ، خرجت مرتو -خليها تروح وقيل ضيافت بيها هنا ملقاتش لاليبارتي -شفت فيها قتلها ربي يهديك- قالي بنتي اطلعي لفوق  راني عندي خدمة تستنا فيا منيش قاعدلكم انا لسوق هذا  شاف في مرتو وانتي مبعد حسابك ، بقيت واقفة مطلعتش  هو راح خرج وانا قعدت ف الدرجة بغيت نتف شعري ملقيت بيها لوين من جهة ندليت هنا ومن جهة معنديش لوين نروح انا علاه يا ربي علاه بزاااف عليا بكيت بكيت قد محكمت في روحي بصح دموعي حلفو لا يحبسو    منعرف شحال وانا قاعدة وحاطة راسي سمعت جدي يعيط وحدة لا تكلمت معاه- مسحت عينيا وطليت عليه قالي نشرب  مديتلو وخرجت صونا الباب تع برا  هبطت نشوف شكون لقيتو عمي فيصل فتحت عليه  طلعتو ديراكت دخل عند جدي  رحت نديرلو برأس قهوة  كي وجد ديتلو شافني هكذاك قالي وشبيك كنتي تبكي -محبيتش نهدر قالي اهدري كشما قالولك هنا -لا والو وحطيت راسي...