أين أنت (يتيمة وسط الميراث) ميلي/بسام /قصة حقيقية جزائرية

حلقات (141\142\143\144\145\146\147\148\149\150)

#بقلم_هاندا ريفالدا ✍️✔️
141
فاتت سمانة على داك النهار قليل وين نخرج بسام مزدتش تلاقيت بيه ولا نقول انا محبيتش بيسك حبيت نبقى وحدى ونجمع أفكاري مليح ونفهم روحي مليح بلا منحكي عل المعركة لي صرات هنا بين بسام ومرت عمي غسلها غسيل الدوارة عراها ب الهدرة جبدلها وحد دواسا اول مرة نسمعهم حتى ولات تتخبى في قشها بالسيف الا فكو منها عمي وعجبني أنيس لي وقف مع خوه ضد يماه قالو انا لي صرا هذا كامل انا مشهدتش عليه ومكنتش هنا وزيد ملي جيت وانا نعس عليها وساعات ياك كنت نبعتلك خبارها  انا كنت لفوق مهبطتش خلاص بردلي قلبي وختو مهدرش معاها كي عادت صغيرة محبش غشو كامل حطو في مرت باباه سمعتو يقول حتى اللفعة لخرى مزال نحطها عند حدها ،،خرجو خوه داه لبرا  ،،،،،  مهم سمانة مشفتوش مالغري يعيطلي ويجي حتى لتحت برك ميطلعش بيسك ملي تهاوش مع مرت باباه ميحبش يتلاقاها .....اليوم بعتلي ميساج قالي راني لتحت  اهبطي نروحو توال المحامي على قضية تع الشكوى  رديتلو قتلو منجيش مردليش  حسبتو راح حتى لقيتو طلع لعندي يطبطب حليت الباب هو يهدر وانا تايهة فيه حاط الحطة للخر حتى غرت عليه -يالله البسي  راني هنا والا زدتي سمطتي ندخل انا نلبسلك وتعرفيني نديرها ، حليت عينيا فيه  -كيفاه انا نقولك منجيش وانت تقولي البسي  -جاي داخل معندو حاجة قتلو روح اخرج دك نلبس وخبطتلو الباب في وجهو -مهبول هذا لي بلاني بيه ربي ، لبست روب نوار جاية سير طاي تحفتني درت مكياج حبيت نخليه يستنى نزكر فيه لبست باسكات بيضة هزيت ساكي وخرجت ملقيتوش كملت لتحت شفتو ف الكوزينة مع إكرام يهدر معاها وهي حاطة راسها  شافني دارلي براسو ارواحي محبيتش هبطت ديراكت لتحت لحقني زي البرق طل عليا -وهذاك لي في فمك لمن دايراتو -قتلو معليش متعلقش عليا  -عليمن نعلق مالا امسحيه متخلينيش نمسحو انا -هزيتلو كتافي ورحت جهة الطمبيل هاذي شاهدة على عراكنا وعياطنا ، جا ركب نورمال نحسب فيه محبش يعاندني طلعلي كارو كان فيمي وزاد تاعو ويخطفني ب بوسة لفمي كلاه ماكلة - بسااام -بقا يمص في شواربو -هبلت وقيل وش هاد.... -تسكتي ولا نزيدلك -وليت سكت هذا مستحيل نعاندو نخرج انا الخاسرة ، هزيت يدي نتحسس ف شفافي دموعي رايحين يهبطو شغل اول مرة هاذي واحد يبوسني وزيد جات على غفلة وانا معقدة شوي  دورت وجهي عليه شي من الحشمة وشي من الارتباك وجهي نحسو سخن بزااف عاد يحرق وبلا منهدر عل اللون باينة وليت طوماطيشة بيسك بشرتي بيضاء وغير نحشم نولي حمرا ،  هو نحس فيه يشوف معايا بصح محبش يهدر مخليني على راحتي ،،طول الطريق وهو يمص في شواربو وقيل داك غوج حلو ف الذوق  وعلابالي يدير فيها ب العاني .....

142
اي -...-سسس-دورت راسي معليش تشوف قدامك وتسوق -هههههه يااااا على خدودها كي ولاو -سامط انا لي غالطة جيت معاك ، كمل يسوق ويبتسم وحدو  حتى وصلنا -هيا اهبطي،شفت معاه بشط العين وهبطت نجري وصلت قبلو  دخلت لداخل كان واحد الجان تم  كنت واقفة توالو  نشوفو جاي  تمخزر فيا قرب لوذني وقالي راكي تلعبي بحبالك معايا هز راسو شاف معاه تع بعد.منا سينو ندخل فيك لوخر فهم روحو جبد لهيه ستنينا عقب داك الجان وخرج جات دالتي ، دخلت لعندو وفات معايا طبعا شغل هو مول القضية يهدر اكثر مني  على حسب وش فهمت لازم تحقيق ف خصوص اعلان بيع تع الدار ويضهر رايحة طول هاد الحكاية لي علابالي رايحة تنوض الحرب ،،  خرجت من تم قتلو غير تحب برك تعقد الأمور علاه عليك تدخلني المحاكم -لوكان برك تعرفي وش راهم ناهبين تفهمي -وانت وين عرفت -ايه عندي عينين لداخل والسمانة هادي كامل وانا تم  -بصح كيفاش -قاطعني قالي خوك علاء راهو مدايرلي وكالة لوكان هو يهبط هنا مراح يفهم والو وعلابالي عمي فيصل يلعب عليه بزوج كلمات وهو صغير  وديجا يماه راهي مريضة بزاااف  لاتي معاها -ايه انا عيطلي خطرة مكنش يهدر مليح-شاف فيا قالي انا لي كنت معاه كي كان يحكي بالسيف لا علمتو زوج كلمات  هو تربية لهيه ميعرف والو هنا  من غير الدين بصح لازم يجي وتشوفيه ويعرفك -ايه ان شاء الله هذاك وش بقالي ، طلعلي حاجبو قالي علاه انا وين رحت حكمني من كتفي -منا وجاي انتي مسؤوليتي ميليسا تفهمي اي حاجة ارواحي لعندي ولو صغيرة تافهة اني هنا ديجا العامين لي فاتو راني نادم عليهم كي بعدت بصح منا وجاي تكون هدرة خلاف ، سونا تلفونو كان خالو بقا يهدر معاه وانا واقفة متكية للطمبيل ونلعب بشعري وتايهة كي كوبا عليه قالي شعرك وش دارلك -كيفاش-علاه درتيلو هكذا -ملقيت منجاوب -جاوبي علاه تسكتي- عادي كنت قلقانة قصيتو ، حكمني منو قالي صدقيني عمري لي وصلك لهاد الحالة نبكيه ديجا غير شفتك ديك نهار كي جيت وشعرك هكذا حسيت بلي مكيش ميليسا لي خليتها ورايا  ،درت يدي على وجهي وفتحت الباب رايحة نركب قالي متهربيش اهدري خرجي فرغي منيش حابك تبقي مخبية عليا حتى حاجة -هزيت ساكي وحطيتو خبيت بيه وجهي وهو تايه فيا نحاه لقاني دمعة وخنونة طابس لعندي -وراسك وحق الدموع هاذو ماني طالق فيهم واحد ، سكرلي الباب وجا ركب محبش يديماري حت سكت وهديت قتلو تعرف نهار قالي وليد بسام متزوج مكنتش نعرف نيتو بصح مصدقتش وزاد جابلي تصاورك تم لي دخلت هاد المرحلة -شفتو مركز وجهو احمر وساكت قالي عندك تصور هادو مزال عندك؟- درتلو براسي ايه -نعتلو شافهم ضحك قالي هادي بنت خالي اكثر من ختي ومريضة بزاااف كانت داوي بالسيف بش برأت وفرج عليها ربي ولي كانت داوي عندو هو لي تزوج بيها  بصح سكاتك ميليسا سكاتك لي وصلك لهنا علاه مخبرتينيش علاه تأمني برك وطيشتي روحك ااااا