أين أنت (يتيمة وسط الميراث) ميلي/بسام /قصة حقيقية جزائرية

حلقة 23

#بقلم_هاندا ريفالدا handa rivalda✍️✔️

جا الكورتاج وتعرفو داك الهول غاضتني كي عادت خارجة دخل راجلها خرجها ولاو البنات يتعايطو هههه انا جبدت على شط تفكرت بلي انا تاني يجي نهار ونخرج هكذا ونخلي بابا وحدو حكمتني الغصة حت بكيت ،خرجت العروسة وخرجنا من وراها كل وحدة ركبت ف طمبيل بقيت نحوس على بابا سقسيت صابر كان توالي قالي راح للوزين عيطولو يااااااا بابا وشبيه اليوم كي حتاجتو لاه لاتي وانا دك معامن نروح قالي ارواحي معايا سكت محبيتش نرد عليه شفتهم اكل راكبين تخطفت كي حسيت بواحد حكمني من جنابي دورت وجهي شفتو  كان بسام مرمشتش عيني خلاص كان لابس كوستيم ف بلو يبان هو العريس مانكا  وحطة  للخر كشفت روحي حت دارلي بيدو اااي ،جا صابر قالي ميليسا اني قدمت طمبيل هيا تركبي شاف معاه قالو رايحة معايا ناض لآخر قالو تركب معايا شفتهم هذا يتمخزر مع هذا جيت طالعة ف الدروج جبدني من ذراعي وخرجني -او بعقلك ع الطفلة -مهدرش معاه ركبت نشوف معاه  هذا عندو وجه صحيح كثر من الحيط فتح كوفر جبد وحد الباطة تبان بومادة مدهالي شفت معاه مفهمتش قالي كي تروحي ديريها جيت نرد عليه -اشش متقولي والو خلاص  .....وصلني لتم هبطت ودخلت معاهم  ......مطولناش لقيت بابا يعيط -هيا ميليسا اني مروح اهبطي رحت توال خديجة سلمت عليها وخرجت ........
راقدة ونتفكر فيه من جهة توحشتو ومن جهة نرفزني ب الجاست تع اليوم شفت دوك لي طراس هذا كيفاش تجرىء وقيل يحسب فيا زي هادوك لي لهيه أواه لازم نحطلو حد وش حاط في روحو ساعات يقميني ساعات يبان حنين معايا واليوم عضني وغدوة منعرف ، ف هاذيك الدقيقة جيت نعيطلو نقولو زوج كلمات ملاح ونكوبي عليه مبعد قلت اهاااا ميليسا اتهدني وش بيك متنسايش بلي وقف معاك  وعيب يبقى ولد عمي والاحترام واجب وزيد بابا يموت عليه تقول وليدو لي مجابوش  وليت نقول ياااارب كن غير جا عندي اخ نلقاه ف كتافي ونسند عليه راني حاسة روحي قفة بلا يدين ....
جازت  سمانة على عرس خديجة كنت ف لافاك عيطلي استغربت مش موالف هزيت عليه قالي الا متقرايش دك - منعرف كيفاش حتى قتلو وي- قالي اني توال بورطاي تع الجامعة شفت في نسمة قلتلها انا  نخرج -علاه خير انشاء الله -مبعد نفهمك   بقات تشوف معايا -اااااه نتي بيك حاجة ....