أين أنت (يتيمة وسط الميراث) ميلي/بسام /قصة حقيقية جزائرية

حلقة 24

#بقلم_هاندا ريفالدا handa rivalda ✍️✔️

   رحت خرجت ملقيتوش  جيت مولية قارا توالي خلعني دارلي براسو اطلعي _علاه نطلع وش تحوس من عندي -عوج فمو قالي والله انا الغالط كي جيت هنا تركبي ولا تخليني نركبك فورصي بصح تسلكيها -وشنهي فورصي هاذي وين حاط روحك على هاد الهدرة هبط حكمني من ذراعي وجرني ركبني -انت وقيل قالولك عليا سايبة -شوفي انتي كيفاش تيبسي راسك مبعد تولي تشتكي تعاملت معاك ب العقلية متفهميش تحبي تزيار -يا بن عمي انا لي مفهمتكش ساعات تبان كااالم وساعات تقول... ..مكملتش-كملي حشمتي زعما -بفففففف وش تحوس من اللخر -ميليسا علاه تبدلتي ف هاذ العام عدتي قبيحة اللسان -شفت فيه وانت وين تعرفني قبيحة ولا عاقلة -نعرفك نعرفك عاقلة ورزينة بصح هاد المرة راكي مبدلة  منعرف وشبيك -في قلبي قتلو انت سبابي نطق قالي سمحيني ع الخطرة لي فاتت-  قتلو منيش مسامحة ومرة خلاف متزيدش ديباسي حدودك معايا  ولا كي شفتني وحدانية قلت هادي ساهلة -ضربني لفمي وشبيك وش هاد الهدرة ميليسا كيفاش تخممي هكذا وش راكي تشوفي فيا انا رخيس توالك ااااا  راكي من دمي فهمتي نغير عليك ونحميك كما خواتي  متعاوديهاش ، منعرف كيفاش وليت نبكي  شافني -ياااااا ربي ياااا دك تقوليلي علاه تبكي...راني مليحة انا هكذا كي نتقلق نولي نبكي -اول مرة نسمع بالحالة هاذي - سكت شوي وقالي  غدوة أني راجع خدمتي تستنا يا خوتي كلي واحد عطاني كف ملقيت وش نهدرلو لداخل راني مكوية بصح ظاهريا لاعبتها منيش لاتية قتلو ربي يساهلك  -انشاء الله وانتي بلا منوصيك ردي بالك على روحك بزاااف وحطي راسك في قرايتك وبلاكي تلعبي من ولا من  اوكي والا كش محتاجتي حاجة عيطيلي لاشتة راني بعيد نعرف كيفاش نعاونك ومتثيقي في حتى واحد خلاف عمي  قتلو مالا انت تاني منثيقش فيك -ضحك وقالي اه يا شريرة انا راني نضر روحي و منضركش سمعتي يشوف معايا بوحد الحنانة دخلني في بعضي حسيت ب الأمان معاه قتلو تطول هاد المرة قالي انا لوكان م عرس خديجة منهبطش بصح هي لي أصرت عليا نجي محبيتش نزعفها برك  و  قوليلي برك وش درتي ف العام لي فات -حطيت راسي والوووو -و والو هاذي كيفاش دايرة- قتلو بسام انا حياتي عبارة عن بابا وخلاص خايفة لوكان  يروح لمن نبقى وكيفاه نكمل صحتو مهيش مليحة كل مرة يتعب نموت ونحيا قالي وانا وين رحت وش كنت نقولك قبيل اي حاجة تحتاجيها ولا كش واحد قلقك خبريني-انت راك بعيد بسام بعيد-وحتى وبعيد حطي كلامي مليح في راسك اوكي ، مبعد شبح وجهو وقالي  نسقسيك وجاوبيني متكدبيش -حركتلو راسي-عندك واحد في حياتك قتلو معنديش منيش تع هاد الأمور ضحك قالي وصابر ولد عمي كش م  بينك وبينو - منعرف علاه راك تسقسي هكذا مبيني وياه والو اصلا منحملوش حسيتو فرح حتى تبسم-تقدر تقولي علاه راك تسقسي -علاه وشى فيها حبيت نطمن برك درت ليه  -وانت عندك في حياتك سير ، ضحك ضحكة من قلبو -ومتأكدة تاني  ايه عندي -ربي يكملك ويهنيك  وليت نعض في شواربي بسناني كن نغير منطقتش ومسمعتش هاد الرد -دوري ليا نشوف وجهك  محبيتش ولا دورلي وجهي بصح مسقسيتينيش شكون هي -شفت معاه- غمزلي قالي بنت عمي  راح بالي لوحدة من دوك المعزات خوات صابر -ربي يهنيكم ببعضاكم  ودك تقدر ترجعني مفهمتش اصلا لاه جيت معاك -اوكي كما تحبي متنسايش كلامي وخلي كنتاكت بيناتنا قتلو في قلبي روح دبر على حبيبة القلب لي عندك  ديمارا  مبعد شاف فيا كيشغل راح يسقسي على حاجة ومقدرش  كمل يسوق ..