أين أنت (يتيمة وسط الميراث) ميلي/بسام /قصة حقيقية جزائرية

حلقة 35

#بقلم_هاندا ريفالدا✍️✔️

3ايام وبابا ف سبيطار داير الأكسجين رحت طليت عليه عمي موسى يكثر خيرو يديني ويردني لا عمومي يجو يطلو فوق راسو ويروحو ايه كي قتلهم نبقا في دارنا منروحش معاكم غاضهم الحال بصح الله غالب سيرتو عمي فيصل مرتو منحملهاش وبناتو وعمي سالم قالي مرتو تاني راهي فراش تقاست ب كورونا خفت  نزيدلهم همي انا تان  بعد 3ايام بابا زادت حالتو شوي ف هذاك نهار مرحتش انا بصح حسيت بوحد الغصة وقلبي مزير عيطت لعمي سالم قتلو حابة نروح توال بابا قالي ميليسا باباك دخل كومة -كيفاششس ياااربي وعلاه مخبرتونيش كليت روحي  تخلطت عليا كلشي قتلو اني جاية -لوين جاية متقدرش تشوفيه كوبيت عليه دخلتني آبال من عند بسام يبان معصب -نتي كيفاش قتلك روحي لدارنا محبيتيش بقيتي وحدك دك لوكان كش مصرالك ولا دخل عليك كش سراق اااااه راسك وش فيه  كلاني بالعياط  وانا ساكتة كلمة مقلتها -انطقي علاه ساكتة -بسام بابا دخلوه كوما -علابالي ميليسا دك تروحي ويا ويلك ديري رايك هاني خبرتك وكوبا عليا  وليت عيطت لعمي قتلو يجي ليا  .....كي وصلت ديك الدار مقلبة سافيها على عافيها إكرام.ديك متهزش يديها شكيت ملي راحت الخدامة متفرزتش وزادت مرت عمي حاكمة فراش  قلبي طلع من هاد الحالة شافني جدي رحت توالو كان يبان مقلق على بابا عندو الحق هذا وليدو طليت على مرت عمي كانت  في حالة غايسة إكرام تلفون ميتحطش من يدها وليت شمرت على يديا وبديت نفرز مسحت الغبرة سيقت داك ليطاج والكوزبنة اففف ولات الحالة تبرق إكرام قاتلي يووووه حسبتك متعرفي ديري  والو  قتلها منيش كيفك انا ندبر راسي كي تتحتم -مليح علماتك الوحدة وقيل -شفت فيها بنص عين قتلها الوحدة تقدرت عليا ومكتبة لوكان غي جيت عندي طزينة تع خاوة ونخدم عليهم ميهمش تشنفت وراحت هادي زعما صغيرة غي 16سنة ولسانها يحرق مش زي خديجة عاقلة وحنينة شفت ف الساعة كانت 12:30 الغدا ومكانش رحت درت سوب وقليت بطاطا ولحم ديت لجدي يتغدا ولمرت عمي وعيطت لإكرام جات كلام وناضت قتلها اوموا اغسلي الماعن جا عمي لقانا متحاكمين ف الكوزينة  ولات هي تزيد ف الهدرة حتى قالتلو علاه جبتها لعندنا هاذي حنا مخصناش وجوه النحس شاف فيها عمي وخبطها بكف قالها أترباي غاضتني عمري مقلت والو قدامو رحت طليت على جدي لقيتو كمل غداه هزيت بلاطو وزدت حطيت لعمي يتغدا وغسلت الماعن وش ندير هي راحت علابالي مش رايحة تسكت  وانا قلبي دم على بابا وهموم الدنيا فوق راسي وتزيد تسمم فيا بالهدرة  جيت ف شمبرة جدي وقاعدة حكيت لنسمة ف مسنجر قاتلي ارواحي لعندنا متقعديش تم  عندهم ....