أين أنت (يتيمة وسط الميراث) ميلي/بسام /قصة حقيقية جزائرية

حلقة 18

#بقلم_هاندا ريفالدا handa rivalda✍️✔️

فطنت على آدان العصر نضت توضيت وصليت رحت طليت على بابا ملقيتوش وين راح هذا جيت هابطة سمعتو يهدر لتحت محبيتش نهبط بسك لي معاه مش صوات عمومي هاذو بلاك صحابو   وليت لشمبرة زدت لبست رداء الصلاة حكمت مصحف قريت قرآن حتى لقيت دموعي ينزلو وحدهم  وانا نقرا دخلت عليا نسمة كي شافتني نقرأ دخلت بالعقل قعدت فوق سرير شوية وكملت السورة -ربي يقبل منك -آمين يا رب  نضت سلمت عليها مديتلها بيجامة بش تلبسها قاتلي مش رايحة نبات جيت برك نطل عليك وجبتلك لي كور اني جيت مع بابا  -معليش صحيتي الزينة -بلامزية ، شافتني ساكتة على غير عادتي معاها -وش بيك ميلي -والو متحيرة على بابا برك -ياك راه لباس شوية هكذا عيطلها بيها قالها يالله راحت هبطت معاها لتحت هما خرجو وانا قعدت مع بابا حاولت نفهم منو وش سبة لي خلاتو يتقلق وتطلعلو لاطنسيو بقا غي يطمن فيا وانا طبعا مامنتوش جاه تلفون ولا يهدر معاه ب الفرونسي هزيت روحي وطلعت كرهت من روتين حياتي هاذي  والله، كتبت لي كور لي جابتلي نسمة وبالي عندو  درت الكوراج عيطتلو مخممتش مامبا كي يسقسيني علاه وش نقولو هز عليا -الو -وي -بسام-أنعم وش كاين عمي لاباس-ايه ايه او مليح -وش تحوسي -ا والو برك عيطت شفتك صباح خرجت مقعدتش تتغدا معانا -هذا مكان -ايه وحبيت نتشكرك كي وقفت معايا ومع بابا البارح -بلا مزية هداك واجب ودرتو مع عمي  -ايه خلاص هذا مكان  اوكي جا يسكر قتلو بسام - وش تاني -وقتاش تروح-بففففف غدوة -صح -تحوسي نزيد نحلفلك -مشي قصدي ربي يساهل -انشاء الله اتهلاي في روحك كوبا  يبان مقلق  وزاد عليا كي قال غدوة يروح  اول مرة نتعلق بإنسان هكذا بعد بابا  حسيتو هو الأمان تاعي بعد.بابا فرق كبير بين كي نكون معاه ولا نكون مع ولاد عمي لخرين سيرتو صابر منطمنلوش شوفاتو نحسهم فيهم لغز وخاصة هد الفترة كثر ........
الغدوة نضت لازم نروح نقرا بابا لقيتو لتحت يفطر -صباح الخير بابا-صباح النور بنتي-بابا راك مزالت عيان علاه رايح -راني مليح بنتي مليح متقلقيش هيا افطري نوصلك معايا  ايه مدابيا فطرت وخرجت رحت معاه فى الطريق سونا تلفونو كان بسام قالو -وش وليدي لباس علاه مجيتش البارح -منعرف وش ردلو  حت سمعت بابا قالو الله يساهل وليدي واتهلا ف روحك  ايه راني مليح متنساش وش قتلك يا وليدي انشاء الله راني نستنا منك  تلفون  مبعد كوبا  زعما هاذو وش كانو يهدرو مفهمت والو من غير انو رايح صح يا درى وقتاش نزيد نشوفو ولا نتلاقى بيه ...وصلني وراح كنت رايحة نعيطلو خفت يزيد يحكي معايا كما البارح ،دخلت نقرأ عقب نهار سامط يقتل  نسمة قد محاولت تفهم وش بيا مقتلهاش .....