أين أنت (يتيمة وسط الميراث) ميلي/بسام /قصة حقيقية جزائرية

حلقة 49

#بقلم_هاندا ريفالدا✍️✔️

عيطولي نتعشا مهبطتش مكنتش جيعانة وزاد وترني هذا وليد حكمت بلاصتي وغطيت نستنى ف بسام يعيطلي من البارح محكيتش معاه محبيتش انا نعيطلو بيسك علابالي يتحير ويرد عليا لاشتا يكون مضغوط قلت نخليه براحتو ،ادنت العشاء عاودت توضيت وصليت كي جيت نطوي سجادة تولهت لوحد العفسة تبريي توال الخزانة ركزت معاها هزيتها لقيتها وحد موتيف( هذا تاعي شراتهولي ماما  كي جبت الباك جاي شكل تع عباد الشمس مكتوب فيه إسمي ثقيل يوزن مليح  كنت نحطو مع سلسلة ف رقبتي بصح كي تقطعتلي خبيتو مع ذهب تع ماما)  اييه هذا وش جابو هنا تفكرت ذهب تع ماما كان محطوط ف فاليزتي حليت خزانة جبدت مالات دك انا ذهبها ومنيش شافية عليه كامل كيفاش رايحة نعرف وش ناقص منو عاودت رديت داك موتيف لداخل وبقيت في شكي انا متأكدة بلي مفتحتهاش ومجبدتش الذهب اصلا منستعملوش استغفرت عاودت سكرتها رحت شفت ف الباب اييه مليح كاين مفتاح منا وجاي نسكرها كي نخرج بيسك كي عاد ولد عمي انيس مش هنا  منيش نسكرها عليا غي عمي وجدي ولخرين نسا زدت تفكرت سواردي كانو ف الكوفر تع بابا جبتهم اكل معايا علابالي كش منحتاج منيش حابة نطلب منهم ولحد الآن مصرفتش منهم بزاااف حسبتهم لقيتهم هما هما مليح عاودت خبيتهم وحكمت بلاصتي بسام معيطش بعتتلو ميساج و رقدت ..
الصباح نضت اون فورم بيسك رقدت بكري وشبعت نوم تفكرت داك كي قالي نجي ليك والله ماني حابة الروحة هاذي منين خرجلي بيها  تاني غسلت وجهي صليت ولبست هبطت لتحت لقيت الحليب واجد شربت حوست على عمي ملقيتوش لازم نقولو ومرتو تان خرجت  قلت معليش نروح لتم دك نلقاه بقيت نستنا في هذا حت عيطلي هزيت عليه قالي اني توال الدار اهبطي....