أين أنت (يتيمة وسط الميراث) ميلي/بسام /قصة حقيقية جزائرية

حلقة 48

#بقلم_هاندا ريفالدا ✍️✔️

كنا ف الجامعة نستناو ف لاليست الغاشي جبدنا على جهة خفنا نتعداو كان البرد شوي تع نوفمبر نسمة معايا  حت تفرق داك الغاشي روحنا شفنا لقيت اسمي مع الأوائل ونسمة تقلقت بقات تقرأ حتى لقات روحا ف آخر ليستة  فرحنا بزاااف وقيل كانت الفرصة الأولى لي نضحك فيها ونفرح من قلبي بعد هاد شهور ،قاتلي تروحي معايا قتلها ايه رحنا لدارهم فارغة كيف كيف بصح كي عادت صغيرة متبانش بقيت معاها ختى للمغرب قتها لازم نروح الحجر ودراها بعيدة على بيت عمي وليت عيطتلو جا ليا  سقساني قتلو بلي قبلوني ماستر قالي مبروك عليك ..  مع دخلت لقيت إكرام هابطة من فوق جامي شفتها دور ثم  طلعت انا نحيت قشي طلقت روحي فوق سرير مبعد خدمت في راسي إكرام وش مطلعها هنا مبعد قلت ياخي دار باباها وانا وش دخلني كانت السبعة ونص قريب تأدن العشا رحت توضيت قضيت صلاتي وبقيت بقش الصلاة جبت بيسي فتحتو كانت فوطو تع بابا وماما فوند ايكرو غمضت عينيا زماااان مبعد فتحتهم محبيتش نبكي لازم نتعود لازم  دك راني وحدي دموع مش راح يعاونوني لازم نبقى صامدة ونتكل على روحي عاودت سكرت ميكرو وش كنت رايحة ندير نسيت فقدت تركيز شفت تلفون يفيبري كان نومرو معرفتوش مكنتش رايحة نهز مبعد قلت بلاك كاشما وحدة نعرفها ودك راهي تحوس عليا هزيت قلت ألو-الو وي شكون معايا -السلام عليكم -وعليكم السلام شكون - انا وليد وليد -اااا خويا وليد والله معرفتك سامحني -معليش وشراكي نتي لباس-والله نقولو حمد لله وانت-لباس-ميليسا عيطتلك على وحد الموضوع -خير خويا اهدر -مش تع تلفون الا قدرتي غدوة ارواحي للوزين ونهدرو-هو قالي هكذا وانا تلبكت -وعلاه كش مصرا-والو خير برك بصح نحتاجك غدوة -وليد انا معامن رايحة نجي -الا حبيتي غدوة نجي ليك صباح -ايه ان شاء الله كي عاد لازم اكيد رايحة نجي ...كوبيت بقيت مستغربة هذا اول مرة نحكي معاه أكثر من زوج كلمات  كنت حاطاتو عڤون ضهر لباس عليه  زعما فواش يحتاجني هذا بفففف وعلاش مقاليش عمي بقيت ندي ونجيب وش هو الموضوع هذا  مفهمتش خلي غدوة ونفهم ان شاء الله خير برك ..