أين أنت (يتيمة وسط الميراث) ميلي/بسام /قصة حقيقية جزائرية

حلقة 73

#بقلم_هاندا ريفالدا✍️✔️

كنت راقدة وقت العصر سمعت عمي صوتو عالي وجاي شغل طالع ف الدروج طبطب بوحد لافاصو تقعدت من الخوف رحت فتحتلو وزادت جات مرتو تبعاتو قالي انتي وش مخبية  وش راهي تحكي مرت عمك اااا -راحتلي الهدرة قتلو  وشي معلاباليش -ميليسا شوفي فيا كانو،  عينيا تعمرو دموع  طحت في موقف صعيب -خويا خلاك أمانة عندنا وراكي تربيتنا بصح والله ويكون وش سمعت صحيح علابالك ند بحك سمعتي وراح هبط ،طحت من طولي خلاص وصلو لوين حابين  دمروني وليت نضرب روحي ب الكفوف حت فشلو يديا ونعيط الله ياخد.فيكم الحق الله يشربكم المرار شافت فيا وزادت هبطت  موراه مقالت والو ،  كنت طايحة توال الباب لميت روحي ودخلت التلفون يعيط كان صابر غي شفتو هزيت عليه سبيتو مخليته فيه قالي سامحيني والله مكان قصدي ويما هي لي جهلت متخافيش اني معاك دك نصحح الوضع  -تفووو عليك يا رخ يس يا لي متسواش لوكان جيت راجل متضر بنت عمك من دمك وبسابك ولاو يهدرو فيا متخافش ربي يجبهالكم كامل كما راكم  ،مخليتوش يهدر وكوبيت عليه هبطت لتحت بش نهدر مع عمي كان خرج ......
فاتت سمانة على هاد الحالة حت لافاك مرحتش عمي متجاهلني ومرتو وبنتو جاتهم عسل على قلوبهم كنت نتهرب من شوفاتهم وقلبي يدمي ، وحد المرة جا عمي فيصل وعلى حسب وش فهمت كان حاب يحكي معايا كنت نسمع من الدروج كانو ف الصالو  شوي مفهمتش مليح بصح كي خرجو للهول قالو اطلع عيطلها زدتت رجعت لاريار ودخلت للشمبرة سكرت على روحي جا طبطب فتحتلو قالي ارواحي اهبطي لتحت عندنا هدرة معاك رحت تبعتو لتحت نطق قالي سمانة هاذي نجي نخطبك لصابر  ومعندك حتى هدرة قالي عمي سالم هيه عندو الحق  هو راه طلبك من عمك وزاد مني ومنلقاش خير منو شفت فيهم ب الواحد -من نيتكم تقررو عليا وكيفاش انا هنا معنديش راي ولا -اسكتي مجيتش ندي رايك  وجدي روحك نهار الجمعة نجيو مشيت  وخليتهم طلعت لفوق كاينة حاجة وحدة في راسي  وهي نهرب من وحق ربي مزاد لقاوني هزيت كابة صغيرة حطيت فيها بيجامة والسوارد زدت هزيت ميكرو لبست قشي ستنيت راحو وهبطت خرجت دورت مع الكارتي بش منبانش طلعت لفوق مين طريق كبيرة حكمت طاكسي ركبت وطلعت لدار نسمة حتى مامبا معيطتلهاش كنت مقلقة ...كي وصلت هبطت صونيت عليهم بالسيف بش حلت عليا تخلعت كي شافتني جرات ليا من كثرة الضعف لي كنت فيه حضنتها ونبكي ، دخلتني طحتلها ف الهول ونندب -وشبيك ميلي خير وش كاين -نسمة ختي بغاو يهبلوني رايحين يدمروني-علاه وش صرا -حبو يزوجوني ب صابر -ياخاه وش من زواج -عمومي قالك لازم تتزوجيه في بالهم راني بلا شرف  وقيل صدقوها الكلبة وشاكين فيا ...-...