أين أنت (يتيمة وسط الميراث) ميلي/بسام /قصة حقيقية جزائرية

حلقة 61

#بقلم_هاندا ريفالدا✍️

غي حبس داك العياط حسيت ب الجوع هبطت دخلت للكوزبنة فارغة اوو وين راحت حياة  موالفة هنا توجد ف الغدا  جيت ندور راسي لقيت مرت عمي واقفة ف الباب يديها على جنابها قاتلي الا تحوسي ع الغدا طيبي وكولي ديك راني حاوزتها-يا طاطا علاه  -مدخليش روحك دار داري ونحاوز لي نحب فيها وطلعتلي حاجبها وراحت ، اوووف من هاد الكاليتي وش بيها منفوخة هادي والله حقارة تحقر ف طفلة ولية مسكينة تخدم على شرها طيرلها ف الخبزة  وزيد قاتلك نحاوز لي نحب وقيل راهي تمعني عليا  سير ، شمرت على سعدي قليت بطاطا وزدت سكالوب وحطيت فوق طابلة رحت طليت على جدي ملقيتوش سقسيتها عليه قاتلي راح مع عمي للرونديفو تع طبيب ،قتلها تتغداي راني وجدت -لا روحي منوكلش راني شبعانة خرجت وخليتها  كليت غي شوي برك شهية تغلقت نضفت بوطاجي وطلعت للشمبرة كان ادن الضهر صليت وحكمت بلاصتي قاعدة نكوناكتي حت غفيت شوي وفطنت عل حس الهدرة  لتحت طليت من الدروج سمعت الهدرة بزاااف لبست بيجامة عريييضة للخر وهبطت قابلوني دوك لوجوه مرت عمي فيصل وبنتها لامية  سلمت عليهم وقعدت كانت إكرام تم حاطة راسها مع لامية غي طلع راسها تشوفني وتحط عينيها وانا فايقة بيها بقيت نشايخ ولا نقول نجاوب ع الأسئلة تاعهم  يهدرو غي عل السوارد ويمعنيو وانا لاعبتها غبية منفهمش نطقت مرت عمي فيصل -ها ميليسا وين راكي تباني مع إكرام ؟-لا طاطا نبات لفوق -اااا وحدك -ايه ، نطقت لوخرا وش راح يصرالها داري آمنة وزيد هنا ولا لفوق كيف كيف -بقاو يتغامزو عليا وجوه الشر حسيت روحي منسواش شغل بقيت نتلاوح وهادوك البنات يشايخو ما بيناتهم ويضحكو حسيتهم عليا  قلبي دار منهم  مكدبت دخل جدي هو وعمي درت السبة ونضت عاونتو دخلتوا للشمبرة بقيت نسقسي فيه وش قالو الطبيب كان عيان ليه ليه رقد  سمعت صواتهم شغل رايحين خرجت توالهم ربعت يديا ونشوف ف النفاق أمامي هي وحدة متحمل لخرى بصح توال بعضاهم البوس والتحضان ، راحو خرجو كانت الخمسة تع العشية شفت من ومن قلت ندخل ندير عشا وصاي في خاطر جدي وعمي  بش ميبقاوش بلا عشا والباقي يوكلو الرهج  بقيت ننصب فيه والكسرة مدرتش منعرفش قلت يجيب الخبز دخلت مرت عمي -واش ا لالة متشاوريش عل الأقل قولي وش حابين توكلو -علاه وانا وش راني ندير -وش درتي-بيري ورايحة نحط دوك لي كويس ف الفور وكاينة سلاطة -اممم كن زدتي حاجة أخرى  لابيري توجعني انا منوكلهاش  بقيت نشوف معاها  ولات تعيط على بنتها جات توكلنا- قاتلها إكرام وش حابة تتعشاي بنتي -شافت معاها قاتلها انا جيبولي من برا منوكلش تع الدار وراحت قتلها طاطا  جيبو الخبز -اييه زعما شوفوني درت عشا علاه متتعلميش الكسرة -قتلها كي يجي وقتها نتعلمها، راحت هي وانا كملت لي كويس حطيتهم ف كيس شواء ف الفور ميكسيت بطاطا زدت وجدت سلاطة  وطلعت لفوق....