أين أنت (يتيمة وسط الميراث) ميلي/بسام /قصة حقيقية جزائرية

حلقة 32

#بقلم_هاندا ريفالدا ✍️✔️

يا ما خلعني قتلو بابا وش راك تحس -قالي عادي سخانة وقراجمي يحرقو لداخل ،جاتني الفشلة من كلامو مديتلو بافات دارها قتلو دك نهبط نديرلك تيزانة ونجي هابطة وحاكمة ف قلبي يا ربي وستر  يا ربي ،درتهالو وطلعتهالو شربها  قالي نهبط لتحت ونقعد عاونتو بالسيف محبش قالي متقربيش مني تصدقوني والله تم حسيت صح بالخطر  هبط قعد لتحت رحت هويتلو شمبرة مسحتهالو وعقمتها  نسيت خلاص على الغدا حطيت ديك البرمة طيب ودرت شمخت بربوشة درت يوتيب ونشوف حتى كملت  كلشي وجدت طابلة حطيت ف الكوزينة  رحت توال بابا قتلو هيا تتغدا شاف فيا وضحك -يااا على بنتي دارتلي بربوشة يادرا لحم طابت ولا خليتيها نص طياب- بابا كول ومبعد راني حرة تع دار تحسب فيا منعرفش يكثر خير طاطا سجية كانت تعلمني مين داك -ايه يعطيها الصحة ، بدينا نوكلو عجبتو كلا حت تنفخ -والله يا بنتي جات تسخف عسل -بصحتك بابا  والعشوة نديرلك شوا محصلش -ههههه انشاء الله   سمعت الباب يصوني قالي اقعدي انا نخرج نطل راح سمعتو يهدر وسكر الباب جا في يدو شكارة تبان تع فارمسي تفكرت بلي بسام قالي البارح -قالي هذا فارماسيان جابهالي بعتو بسام انتي لي قلتيلو-ايه انا قتلو وقالي يشرب هذا وميخلطش دواوات وحد اخرين-يعطيه الصحة وليدي بعيد ومتحير عليا -هزيت عليه بقيت نقرأ فيه بعتلو حتى لي بافات دوك تع الأطباء حطيتهم بجيه غسلت ماعن ورتبت الحالة ورحت قعدت معاه ف الصالو نتفرجو قالي نخرج غي هنا ب طمبيل ندور شوي ضقت قتلو خرجني معاك  خرجنا لبست عباية فوق بيجامتي هزيت شعري ودرنا شوي ف لافيل الدنيا خالية غي شوي رجال كلشي مسكر، عيطلي بسام كنت مازلت ف طمبيل محبيتش نهز عليه توال بابا  ، كي وصلنا للدار رحت نجري لشمبرتي عاودتلو هز عليا شايخنا شوي قالي ديري لاكام نشوفك عدلت روحي شوي طلقت شعري وفتحت شافني بقا يتمهبل بيا كي العادة قالي رايح نكوبي وقت الخدمة يالله اتهلاي في روحك وفي عمي  ...رحت طليت على بابا مكانش ف شمبرتو لقيت درج تع كوموند مفتوح شفت بايط تع دوا هاذو وين كان حاطهم اول مرو نشوفهم قريت مفهمتش صورتهم مبعد نبعتهم لبسام يقولي تع واش هادو  قلت سير يكون لتحت كي هبط شفتو متكسل ع الفوتاي يبان ديخان ولا ، جريت ليه هز راسو ليا -بابا وشبيك راك مليح -ايه مليح مليح -شوف وجهك اصفر تكون هبطتلك لاطونسيو -لا مبيا والو بنتي وقيل وجعني العجين، بقيت متحيرة عليه  كي غفا شوي ولا  تلفون يصوني درتو سيلونس وخليتو كرهولو حياتو هادو تع الوزين  افففف بقاو يصونيو  حت سمعت صوت ميساج لحقو من واحد نومرو مريجيستري بسم طاهر  منعرف كيفاش قستو تحل داك ميساج كان وحد ورقة مصورة مكتوب فيها (علاء #####) ونفس لافامي تاعنا بقيت نثبت ف ديك تصويرة جامي شفتو هاد الجان هو يشبهلنا شوي بصح منعرفوش كش ميكون من لافامي بعيد منعرف علاه جاني احساس من جيهتو يبان ف لاج تع صابر ولا  حطيت تلفون وغفيت انا تاني على ظهري  ....نضت مخلوعة من صوت لاصونات هاذي  رحت عين محلولة ووحدة مسكرة فتحت لقيتو عمي فيصل داير بافات سلم عليا عن بعد دخلتو شاف بابا راقد قالي وشبيه قتلو يبان عيان شوي راح توالو بقا ينوض فيه لقاه فابل خلااااص شفت عمي شغل تخلع قالي روحي جيبيلو كأس ما جبتلو فطنو بالسيف شربلو الماء وقالو نديك لسبيطار وقيل هبطتلك لاطونسيو بزاااف وبابا محبش وليت نطقت قتلو عمي اديه راه يبان مش مليح ولا عيط لصابر يجي  رحت فتحت عليه جاو تعاونوا فيه وهزوه وانا قلبي رايح يحبس -يااارب وشبيه بابا لحقتهم عينيا مدمعين نشوف فيه كيفاش فاشل بقيت ف الباب شافني دارلي بيدو ادخلي وسكري الباب درتلو براسي ابه ، سكرت الباب طحت من طولي نبكي ونشهق لربي لي خلقني...