أين أنت (يتيمة وسط الميراث) ميلي/بسام /قصة حقيقية جزائرية

حلقة 41

#بقلم_هاندا ريفالدا✍️✔️

وليت انا ونسمة نحوسو ف الخزانة الورقة لي نلقاوها نخملوها مخلينا حتى حاجة درتهم في كرطاب وقتلها اسمعي كي تروحي اديهم معاك خليهم عندك قاتلي مش مشكل ، تفكرت بسااام ياااا كيفاش معيطليش ولا مسمعش جبت تلفون عيطتلو من تلفون بابا ميهزش  زاد حيرني وش بيه هذا كش ميكون صرالو يااااا ربي علاه كل مصايب جي ورا بعضها خبيت داك كرطابل تحت سرير ودخلت دوشت مليح ولبست روب طويلة درت خمار على راسي وصليت دعيتلو وقريت عليه قرآن جات خديجة قتلها جدي وش راه قاتلي شوي شوي نضت هبطت لتحت شفت العشيرة كامل قاعد لتحت  هبطت ناض عمي جا توالي قالي اقعدي بنتي هنا  كل واحد يصبر فيا بكلمة قتلها شعلي قرآن زيديلو  للخر  منيش حابة نسمع صواتهم وكلامهم  عمومي يشايخو تلفوناتهم متحبسش الناس تعزي فيهم غير بتلفون اما نسا عمومي  قاعدين لي تشوف فيا ولي تشايخ مع لخرى ،جات نسمة توالي سندت راسي عليها ورحت بعيييد نص مخي مع بابا والنص الآخر مع بسام وين راهو كيفاش معيطليش مستحيل يكون مسمعش ....وصل الليل على محاولوني نتعشى مقدرتش جات خديجة توالي-ميليسا علاه محبيتيش تتعشاي هيا كولي لاشتا لقمة برك -منيش قادرة مبعد.قتلها بسام سمع شافت فيا وقاتلي اييي فكرتيني نسيتو خلاص عندي يومين محكيتش معاه  شفتها قالت لباباها قالها والله مهوش يهز عليا عيطتلو الصباح مهزش زدت تقلقت عليه قاتلو خديجة بابا زيد عيطلو موالف يهز علينا وليت نرجف بلاك يكون مريض وواحد ماهو جايب خبرو  مقدرتش نتمالك روحي قتلها نسمة هيا اطلعي معايا جيست حطيت رجلي ف شمبرتي وليت نعيط والوووو مهزش ...بايتة داك الليل كامل وانا في حالة خفت عليه وكي محكيتش معاه ومسمعتش صوتو خلاص حاجة خاصتني والفتو بزاااف والفت نصائح تاعو والأوامر نسمة تشوف فيا-خلاص انتي اليوم يحكمك السكر  خافي على روحك شوي وليت سكرت شمبرة بابا وديت مفتاح وقتلها انا رايحة نرقد دخلت رقدت جات توالي قاتلي انا تان نرقد معندي مندير لتحت معاهم ، جينا رايحين نرقدو طبطب الباب كانت خديجة قاتلي -ميليسا راني مروحة جا راجلي والا خلاني غدوة اني نجي -يكثر خيرك مننساش وقفتك معايا .... نسمة عيطلها باباها قالها جوزبهالي مدتلي حكيت معاه عزاني وقالي الا كش مخصك والا حتاجتي كش حاجة راني هنا كما باباك .....