أين أنت (يتيمة وسط الميراث) ميلي/بسام /قصة حقيقية جزائرية

حلقة 60

#بقلم_هاندا ريفالدا ✍️

طلعت للكارتي لي من فوق وين طريق لكبيرة وقفت وحد ربع ساعة بش قدرت نحكم طاكسي للافاك وصلت دخلت حوست على نسمة مكانش عيطتلها قاتلي راني مريضة مقريبية بقيت تم وحدي مزال مجاوش لي بروف ولي كور مزال مبداوش فيهم لقيت روحي شاقية في الباطل قعدت يا ربي ساعتين وخرجت سمعت واحد يعيطبي دورت وجهي شفتو داك الطفل لي موالف يقرا معانا جا توالي بقا يهدر قالي مسمعتش بلي توفا باباك ومنا  ديجا غي جبدلي ع السيجي قلبي ضرني ليه ليه ليكيديتو وخرجت جيا توال بابا الجامعة واقفة لي بجوز من توالي يرمي كلمة وانا غي نتمخزر فيهم  ياخي عقلية كبار وجايحين حسيت بتلفون يفيبري ف جيب تع لافاست جبدتو لقيتو وليد اووووو هذا كثرو تلفوناتو يا درا خير برك كنت منيش رايحة نهز مبعد هزيت -الو -وي-الناس تقول صباح الخير -ايه صباح الخير اسمحلي -وشراكي تباني مقلقة -ايه شوية -اممم معليش وين راكي-كيفاش-اا قصدي راكي تقراي ولا ف الدار -ااا اني ف لافاك -اااه مليح انا تاني عندي طريق قريب لتم تحبي نستناك -لالا وليد روح شوف شغلك انا مزال مطولة خويا -ايه معليش براحتك -حقا علاه عيطت -والو عيطت برك-مرسي يسقي عليك الخير - كوبيت عليه جيت رايحة نحكم طاكسي نروح مبعد جات ف راسي نروح للشط عندي وقت طويل مرحتش بقيت نمشي كي حسيت روحي عييت وليت حكمت طاكسي قتلو اديني توال الشط جاي قريب لدارنا غي قريب نوصل وجزت ع الكارتي لي يدي لدارنا دمعو عينيا زاد كمل حت وصلت للشط هبطت كان ريح قاوي  بزاااف قريب هزني خرجت شوي طاقة سلبية تم ورجعت  ف طريقي عيطت لنسمة نطمن عليها لقيتها في حالة قتلها نجي توالك -لوين جي نتي وقيل راهي كورونا تحوسي تتعداي ولا -ايييه وتبقي وحدك تم -معليش موالفة  وبابا راه هنا معايا ، كي قاتلي هكذا تفكرت حالتي وحالة بابا ربي يرحمو كي فاتتك علينا هاد الحالة  ااااه يا ربي وش واعرة الوحدة واعرة بزاااف  قتلها الا حتاجتي كش حاجة عيطيلي ، مول التاكسي هذاك دوختو روح من دور من حبس هنا هبل معايا كي قريب نوصل لبيت عمي قتلو حبسني هنا كانو عندي حوايج يخصوني قلت ندخل للكسميتيك ونشري  ، دخلت شريت وش خصني وكملت نمشي  جزت على متوسطة لي تقرأ فيها إكرام شفتها من بعيد واقفة مع طفلة وواحد طفل يبان كبير عليها اصلا يبان مش يقرأ تم  واقفين ديك طفلة راحت وبقات معاه ، حبست شوي بقيت غي نشوف معاهم شفتو يهدرلها ف وذنها مبعد منعرف وش مدلها كنت قريبة شوي ليهم  راح داك طفل وهي كي دورت وجها شافتني بقات حابسة -كملت نمشي وصلت توالها شفت فيها وكملت هي حسيتها شغل خافت ولا  ...جيست وصلت لدار عمي دخلت جهة الحوش سمعت لاصوات عالية صوت مرت عمي يدوي كملت لفوق لقيتها تعيط على ديك حياة لي تخدم تم كلاتها قلت سلام عليكم وطلعت ديراكت لفوق الجو مكهرب ....