أين أنت (يتيمة وسط الميراث) ميلي/بسام /قصة حقيقية جزائرية

حلقة 75

#بقلم_هاندا ريفالدا✍️✔️

كي وصلت صونيت حلو حليا كانت مرت عمي -جيتي-  قتلها- جيت ندي قشي ونروح متخلعيش وفت طلعت لفوق وجدت فاليزة كبيرة حطيت فيها كلشي وهبطت لعند جدي سلمت عليه قد محاول فيا قالي مديريش عليهم قتلو جدي انا نروح حتى يفرا هاد مشكل ويرحمها ربي  وانا معاه سمعت صوت عمي دخل علينا قالي -انتي تخرجي بلا متقولي وين حاطة روحك اااا قالو جدي متعيطش عليها خليها البارح درتو عليها قتلو -عمي ربي يحفظك زواج هذا انا منيش قابلة بيه وغير هذاك منتزوجش بيه -علاه ولد عمك وطالب الحلال -لا عمي هذاك رخيس من بكري وخرجت خليتهم طلعت نهبط الفاليزة شافني-وين رايحة ثاني-عند بيت صاحبتي عندي لي كور منيش كاتبتهم راني نريفيزي معاها قالي ميليسا مكنش مرواح لعندهم اقعدي هنا وعمك دك نحكي معاه انا ..وليت طلعت للشمبرة محبيتش نكسر كلامو عيطت لنسمة خبرتها ....فاتو يومين كنت نروح نقرا جاني صابر للجامعة مخلاش فيا ب السب والعياط كانت معايا نسمة ولات تعاركت معاه حتى هيا قالي شوفي منيش صابر الا مدرتش لي ف راسي قتلو من بكري رخ يس وش نستنا منك كثر روح الله يعطيك مصيبة الناس تتفرج فينا بهدلني دارني فرجة تم روحت والدخان يخرج من وذني بلية وطاحت فوق راسي تكروازيت مع إكرام شادة ف الحيط قريب طيح ف الهول شفت معاها وطلعت منزيدش نخلط فيها علابالي نولي انا لي مش مليحة نحيت قشي وصليت وحد ساعة نسمع ف العياط والبكا لتحت خرجت نطل سمعت عمي ومرتو تبكي هبطت نشوف في إكرام طايحة دايخة وهما يفطنو فيها رحت جبتلها كأس ماء بخيتلها وجها حت بدأت تفطن شوي هزها عمي لسبيطار وراحت معاها يماها طولو بش رجعو حت لليل دخلو وجوهم مخطوفة مقالو والو دخلوها للشمبرة وسكرو عليها الباب كنت واقفة ف البوطاجي نغسل ف ماعين سمعتو يقولها لوكان يخرج كلام طبيب صح ندبحها ونرميها للكلاب هكذا طفلة مولات 16 مهملتها ومكيش جايبتلها خبر حتى ولات تدروغي وانتي عقلك منعرف وين  وهي كلمة لا نطقتها انا اصلا كنت عارفة حالتها من الاول  الله يجيب الخير  من الزعاف نهدر بصح كي تولي ف الصح منرضاش الضر لحتى واحد ،ربي خرج دعوتي في بنتها ، رحت طليت على جدي لقيتو رقد طفيت عليه الضوء وطلعت حكمت بلاصتي رقدت بكري بش نوض بكري ....صباح جديد فطرت ورحت لقرايتي كي رجعت لقيت الدار مقلبة بالحس عمي ومرتو وإكرام تبكي ف النص  شمبرتها مقلبة طليت عليهم مشافونيش باينة كش ملقا عندها طلعت لفوق من الأحسن نبقى بعيدة مشكل يخصهم حتى بسام مقتلوش  ، نحيت قشي كان عندي بروجي نخدم عليه ف بيسي كنت مركزة معاه.....