أين أنت (يتيمة وسط الميراث) ميلي/بسام /قصة حقيقية جزائرية

حلقة 12

#بقلم_هاندا ريفالدا  handa rivalda

وصل وقت العشا ستنينا بابا جا وتعشينا احنا ف 3  كي كملنا لمينا الطابلة بابا طلع لشمبرتو واحنا ف الكوزينة طاطا بعد موجدتلنا العشا  راحت لدارها اليوم  تعاونا انا وياها فى الماعين نغسلو ونضحكو عل داك البروف كي غسلنا الصباح  قاتلي الكلاسة اكل عرفتنا اليوم ...كملناهم تشمخنا تفقدت الغاز وطلعنا  بدلت وعطيتها بيجامة ليها لبستها -اسمعي ترقدي بصح لوكان تفتحي كرعيك منتفاهموش وبلا موصيك على الشخير  ياااا تقول شيخ  -اييي ميلي روحي جيبيلي ماطلة -الا تعاونيني فيها منقولش لا  ،رحنا للشمبرة من هيه هزينا ماطلة منها -هزي تشفي من -اييي وش ثقيلة -هيا هزي لا نطلقها كركرناها مجينا نوصلوها  بالسيف كانت تع دو بلاص   اييي لازم نحايدو هاد سرير على جهة بش نقدر نحطها ولينا نكركرو درنا حس كبير ندمت كن غير رقدت معاها ولا هاد المحنة  سطالينا الفراش قتلها نرقد معاك واسعة تسخف ..حكمنا بلايصنا طفينا الضوء كل وحدة مشعلة تلفون  انا جا ف بالي بسام بقيت نتفكر فيه كيفاش يكون يهدر وهاذيك كاريزما لي عندو وليت نتبسم وحدي -اي نتي وشبيك معامن تتبسمي،شفت فيها -وخليني نتبسم يعني لاه تاني -أو قييييو منعرفكش انا زعما هيا انطقي شكون-قتلها عمي موسى-وتترتق بالضحك يعطيك موصيبة قريب آمنتك -وانتي لاه تسقسي -اسمعي -امممم-غدوة وشي-الإثنين علاه-قولي اقسم علابالك غدوة ليكسبوزي -يااا نسيت عليه بقينا نشوفو في بعضانا -هاتي البيسي راه فوق سرير جاباتو بقينا نخلطو مزية كنت موجدة فيه شوي حت غمضت عيني رقدت وخليتها معاه .....نضنا الصباح مشبعناش نوم ليه ليه خرجنا فطرنا ب الواقفة  كي وصلنا وين نقراو نشوفهوملك اكل لاتيين يوجدو قتلها نسمة شوفي لانوت اللخرة حنا ندوها اليوم وعلمي على كلامي -ااييي فاولي صباح ربي علينا نتي تاني  ......دخلنا وصلت دالتنا قدمناه  ضاهر معجبوش بزاااف كاين لي خير منا  انا مهم جبل وتنحا عليا زدنا قرينا الكور لي من وراه وخرجنا جا واحد يقرا معانا نعرفوه مين داك يسلف علينا لي كور  بقينا نشايخو شوي مبعد صونا  تلفوني خليت نسمة معاه وبعدت شفت مع نومرو لقيتو تع بسام فرحت هزيت عليه قالي شوفي أدروات فتحت عينا درت نشوفو مقاري بطمبيل تاعو -ايي راك هنا -تطلعي ولا مزال حابة تشايخي -ااااا ايه ااا  قصدي راني مع صحبتي -هيه ومبعد جيبيها وهيا اطلعوا نوصلكم  كوبيت عليه عيطت عليها -نسمة شافت فيا درتلها بيدي هيا جات قتلها هيا نروحو -معامن وين راه شوفور -تبعيني واسكتي  مشينا شوي وصلنا ركبت هي من اللور وانا من قدام معاه يشوف معايا -نتي متسلميش-ااا مديت يدي -قالي راجل محسوب حشمني قتلو انا منسلمش-ايه براحتك، ديمارا ونسمة تنغز فيا وتقرص  من اللور   بففف كتبتلها ميساج اركحي وشبيك لا نسبك اليوم  ذراعي زرقتيه  شاف فيا كنت حاطة راسي نكتب طلعت راسي جات عيني في عينو......