أين أنت (يتيمة وسط الميراث) ميلي/بسام /قصة حقيقية جزائرية

حلقة 50

#بقلم_هاندا ريفالدا✍️✔️

درت بافات وهبطت شفتو حشمت منو قتلو معليش نركب لاريار قالي براحتك وين تحبي -ركبت معاه سقساني قالي سمحيلي لا ديرونجيتك قتلو مشي مشكل حتى انا حبيت نجي نطل على الوزين شاف فيا من المري وقيل خلعته بهدرتي بقينا ساكتين حتا وصلنا دخلنا مين الإدارة تاعهم طلع هو وانا من وراه لي تم يشوفو فيا اول مرة نروح لتم طلعت لفوق خلاص شفت عمي فيصل تم جا عندي سلم عليا قالي جوزي بنتي جوزي وليد اديها للبيرو لهيه انا زي الأطرش ف الزفة نمشي نتبع وخلاص حت دخلت هو حكم البيرو تاعو قالي كاشما تشربي قتلو لا ومدابيا تحكي ف هاد موضوع والله حيرتني قالي مشي مشكل دك يجي بابا ونحكيو -والله حتى عمي تان علابالو، ستنينا شوي دخل عمي وسكر باب البيرو   قعد مقابلني نطق ليا -قالي بنتي والله علابالي مزلتي مجروحة بصح لازم نهدرو ف هاد موضوع  كما تعرفي الوزين هذا ولوخر راهم تع باباك بصح حنا تان شركة فيهم ودك كي راح لازم يصفا كلشي -غي قال هكذا اقشعر بدني مالقيت وش نجاوبو كمل يحكي- يعني انا وعمك وانتي والشيخ رانا نسالو ف هاد الوزنة واني حاب نصفيوها وكل واحد يبان حقو -قتلو عمي انا مفهمش ف هاد الأمور -علابالي بنتي عليها حبيت نهدر معاك انا خير من المحامي  قلت نفهمك ب العقل خير ووليد تان يفهمك راه عندو خمس سنين وهو يخدم هنا مع باباك الله يرحمو نطق وليد قالي ميليسا اني هنا سقسي وش حبيتي نفهمك في كلشي قتلو خليوني نستوعب مبعد  اول مرة نتحط في نقاش كما هذا  مفهمت والو ناض عمي قالنا عندي رينيو نص ساعة ونولي قالي وليد الا تحبي تشوفي بيرو تع عمي هو قالي هكذا وانا محملتش قتلو لالا خلي مرة خلاف -براحتك قتلو كي نكمل ماستر راح نولي هنا نخدم كما كان بابا يقولي -ايه وعلاش لا مرحبا بيك والا كش مخصك اني هنا نعاونك  حتى ف قرايتك راكي نفس سبيسياليتي لي قريتها انا -مرسي وليد تعيش صونا تليفوني  كان بسام وكنت حاطاتو فوق البيرو  وقراه بلي بسام شاف فيا مستغرب انا تبسمت كي شفتو مبعد درتو سيلونس وهذاك يشوف معايا وكملنا نهدر سؤال جواب ...