أين أنت (يتيمة وسط الميراث) ميلي/بسام /قصة حقيقية جزائرية

حلقة 56

#بقلم_هاندا ريفالدا ✍️

بعد ما حكيت معاه شفت الساعة كانت الساعتين جاني نعاس رقدت ....مع الفطنة سمعت الباب يطبطب نضت حليت كان عمي -ا بنتي سمحيني وقيل فطنتك-معليش عمي -ميكرو او عندك -ايه هنا جبتو بلاك نقدر نفتحو بصح معرفتش-معليش هاتي برك دك نديه لوليد قالي جيبو ، جبتولو داه وراح رحت لفوق السرير وعقلي سرح لبعيييد نخمم كيفاش عايش هذا خويا واسكو يعرفني وعلابالو بلي انا ختو وليت نبكي حمد لله لي مخليتنيش وحدي مهم عندي أخ ميهمش بعيد بصح كلمة أخ تحميني شوي وتدعمني معنويا ونفسيا ياااا بابا العزيز تمنيت نسمع هذا الخبر منك انت وليت نربط ف الأحداث تفكرت نهار لي مرض وطلعتلو لاطونسيو قد محاولت نعرف السبب مقدرتش هذا وين فهمت وش كان شاغل بالو دك عمومي كي يسمعو وش راح يديرو لازم نسكت حتى يبان كلشي انا ف نص تخمامي وتلفون عيط نحسب فيه بسام لقيتو وليد اففف دك هذا يعني وش يحوس هزيت عليه -الو -وي ميليسا اهبطي راني لتحت ف الصالو -راك هنا -ايه اهبطي نحتاجك ، دك هادو مراحش يخطو راسي ولا- لبست روبة مستورة ودرت خمار عقدتو فوق شعري منعرف علاه درت هكذا وهبطت  رحت توالهم كان هو وعمومي قعدت جا توالي قالي أملي عليا لي دات دو نيسونس تاعكم اكل وليت قتلو عليهم وهو يكتب والو حاجة مصلحت ولا كل واحد يخلط من جهة مبعد قالي خلاص لازم ديزانستاليه ونعاودو دك يتحل قالي نديه معايا قالو عمي سالم كي تفتحو عيطلي ونجيبو محامي بلاك نلقاو فيه الورق لي حتاجهم  راحو خرجو انا حسيت بالجوع رحت للكوزينة كان وقت العصر فيضت حليب وشربت جيت خارجة نسمع في مرت عمي تهدر بالعقل معاه منيش نتصنت بصح سمعتها تقول لعمي  دك هاديك الورقة وش يكون فيها المحامي قالكم لازم تحضر قالها هو وانتي هاد سيجي متهدريش فيه خاطيك قاتلو- علاه انا برانية  علم على كلامي الا مكانش كاتب كلشي لبنتو  قالها تبلعي ولا - محبتش تسكت قاتلو متفاهمناش عليها  هادي  الوزنة كامل تعبتو فيهم وعندكم الحق فيهم  وزيد هي طفلة برك وتسالو معاها قالها قتلك بلعي حاجة متخصكش  كي شفتهم خارجين زربت طلعت انا -يااا ربي وفكها من عندك  منحوس لا ورث لا والو غير خرجني من،  كل يوم نسمع كلام يسمم البدن....