أين أنت (يتيمة وسط الميراث) ميلي/بسام /قصة حقيقية جزائرية

حلقة 59

#بقلم_هاندا ريفالدا ✍️

طلعت لفوق دموعي على الشفر قد منقول منزيدش نبكي يجي لي يبكيني كرهت من الشفقة والكلام هذا بزااااف عليا قلت ندير الخير ولا عليا ،عيطلي بسام لقاني ف هاديك الحالة هزيت عليه وانا نبكي -وشبيك ميليسا علاه راكي تبكي-بسااام كرهت -استغفري قوليلي وش بيك شكون قلقك -حتى واحد -كيفاش هذا تتمسخري بيا صوتك تقطع من البكا -قتلك والو اني مليحة  بقا يحلل بش نهدرلو محبيتش علابالي تكبر ويعيط لعمي  وصح راح عيطلو منعرف وش قالو سمعت العياط لتحت هبطت قلت كشما كاين سمعت عمي يهدر مع مرتو وهي تقولو والله مهدرت معاها أخاه تكدبني ،آآآآآآه فهمت جا يطلع لعندي تلاقينا ف الدروج عينيا كانو جمر  قالي وشبيك تبكي ارواحي، هبطني لتحت قالي كشما هدرو معاك -لالا عمي مقالو والو -وعلاش تبكي مالا -تفكرت بابا وماما برك شاف فيا بشك ومرتو تمخزرت  فيا  ودخلت لشمبرتها قالي اطلعي ترقدي ....طلعت لقيت تلفون يصوني هزيت عليه -هاااا هديتي درك -انت علاه تعيط لعمي ياك قتلك مبيا والو علاه تكبر فيها -مكبرتها موالو هكذا بش ميزيدوش يدناو ليك -ربي يهديك والله منحب مشاكل بسام -خلاص ميليسا دموعك يحرقوني وزيد راني بعيد وراكي وحدك وسطهم رانيى كل مرة نوصي بابا عليك  بصح مرتو وإكرام نعرفهم مليح ميسكتوش قتلو معليش راني صابرة تنهد وقالي يا ريت الظروف كانت عكس هكذا جا يكمل مبعد سكت وقالي وقتاش تبداي قرايتك -هاد ليام  رحت ليوم شفت بروغرام -ايه اقرأي وحطي راسك مليح اسمعي معامن راكي تروحي للافاك -مع عمي - ووين راه شوفور تاعك -اااه عمي موسى نحالو عمي فيصل طوموبيل -كيفاش-ايه-معليش دك نعيطلو  غدوة نتفاهم معاه -ايه عيشك اهدر معاه عمي موسى هاذيك هي لقمتو وانا بابا ربي يرحمو كان مامنو عليا -علابالي متخميش غدوة نحل هاد المشكل وانتي بخلافو متركبي مع حت واحد فهمتي -ايه بقا يوصي فيا كي العادة غي تفكرت بلي ركبت مع وليد وتغديت معاه يموتلي جنب ، خلدت للنوم  حت للصباح .....يوم جديد وصباح جديد نضت صليت اول شي وهبطت لقيت مرت عمي في وجهي تشناف داير حالة وبنتها تشرب ف الحليب قعدت انا هي ناضت ، كملت شربت حليب حوست على عمي كان راح قبلي دك انا معامن نروح  بفففف هبطت ف الدروج قلت نحكم طاكسي بصح لازم نطلع حت  للكارتي لي من فوق...