أرويني بدماء جحيمك [Quench me with the blood of your hell]

𝑃𝐴𝑅𝑇❀15

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀15

حركة خبيثة منو قدر يزعزع بيها حواسها من جديد،ربط ليها لسانها خلاها تبلع ريقها و هي كاتناظرو بعيونها البنية الغامقة،من الطريقة باش كاتشوفيه عرف بلي نجح بهاد الحركة...

ساجد(هبط لوذنيها و همس):هاد الدار ما تعتبي بابها حتى نبغي انا...

بللات حلقها بريقها و حدرات عيونها متفادية شوفاتو ليها،رغم ان قلبها باغي و بشدة يصدق هاد الطيبة المفاجئة ديالو معاها، الا ان عقلها رافض يثيق من بعد گاع ديك المعاملة القاسية ديالو معاها،حنحنات و قالت بلا ما تشوفيه...

لمياء:انا وياك ما خصناش نعيشو بجوج فدار وحدة..

ساجد(كي داعب خدودها بصبعو):علاش؟

لمياء(شافت فيه):يا نقتـ  ـلك يا تقتـ ـلني...(بعدات عليه

ساجد(عاود جرها لعندو و قال بنبرة هادئة):انا ما نقتـ  ـلكش(هز حاجبو و قال بتحذير)و لكن تبقاي كل مرة تجمعي حوايجك باغا تمشي عندو، ديك الساعة هدرة اخرى

لمياء(عقدات حواجبها بحيرة):و لا مشيت عندو فين المشكل؟

ساجد(كشر ملامحو):شقربك ليه؟

لمياء(تنهدات و دورات وجهها للجنب):كي تعامل معايا مزيان،ما كي خوفنيش(شافت فيه و قالت بجرأة) معاه كانحس براسي فعلا بنت

ساجد(بتاسم بسخرية):و معايا كاتحسي براسك راجل؟

لمياء(حنحنات):تقريباً

ساجد طلق منها و بقا كي شوفها مدة قبل ما يخشي يديه فجيوبو،شاف فالباليزا و رجع شافيها و قال بصوت رخيم...

ساجد:سمعي مزيان شنو غادي نقوليك...

لمياء(شافت فيه و قالت):كانسمع

ساجد(بنبرة صارمة):المافيا ما فيهاش اللعب، ما دخلتيش ليها باش تلقاي لي يحسسك بلي راك بنت،دخلتي باغا تلقاي لي قتـ ـل سيلين؟باغا تنتاقمي لسارة؟

لمياء(حركات راسها بالايجاب): اه

ساجد(بحدة):لا بغيتي هادشي جمعي كـ ـرك، بغيتي تقو دي عند داريو لي يخليك تحسي بكـ رك محمية معاه،قو دي راه الباب قدامك،بغيتي تقصاحي و تقصحي قلبك ما تبقايش تحني غتبقاي هنا معايا(هز فيها حاجبو)ختاري شنو باغا؟