أرويني بدماء جحيمك [Quench me with the blood of your hell]

𝑃𝐴𝑅𝑇❀14

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀14

لمياء(رمشات متعجبة):كيفاش؟

ساجد(زاد قرب منها كثر و هي كاترجع باللور):قبيلة،شنو قلتي؟ بغيتي نتبرع ليك؟

لمياء(وقفات و ناظراتو بحدة):واخا تشوفني كانمو ت قدامك ما تعطينيش كلوتك(تنهدات) و اصلا حتى لا وقعات شي معجزة و بغيتي بصح تتبرع انا نرفض

ساجد(هز حاجبو):و علاش؟

لمياء(ربعات يديها):غادي يخصني نعيش حياتي كاملة نشكر فيك

ساجد(حقق فيها الشوفة لثواني قبل ما يقول):دخلي...

ما عاوداتش معاه الهدرة ديك الساعة عطاتو بالظهر و مشات دخلات،خلاتو كي شوفيها داير يديه فجيوبو غارق فالافكار،ولات كاتحيرو،كلامها، تصرفاتها كلشي فيها ولا كي خليه في صراع مع الحيرة...

تنهد و شاف فمگانتو قبل ما يدخل للڤيلا و يطلع النيشان للبيت ديالو،دوش و لبس ملابس رياضية،عاد هبط عند لمياء لقاها وجدات الفطور و ستفاتو فالطبلة،شافتو و قالت...

لمياء(بتساؤل):بغيتي تفطر؟

ساجد(شاف فمگانتو و رجع شافيها):فطري دغيا خصنا نتحركو...

لمياء(هزات حاجبها):فين؟

ساجد(جر كرسي و جلس):طلقي راسك

لمياء تنهدات وجلسات كاتفطر في هدوء تام و بشوية عليها، في حين هو هاز التيلي ديالو و مرة مرة كي شوفيها كي لقاها مازال كاتاكل،حتى عصباتو و ضر ب الطبلة حتى قفزات...

ساجد(بإنفعال):طلقيني

لمياء زفرات بعصبية و هزات كاس ديال الما شرباتو،وقفات و مشات طلعات للبيت ديالها لبسات سورفيت فالاسود، دارت عليها القب و هبطات لعندو،لقاتو خرج كي تسناها فالاوطو ديالو...

سدات الباب ديال برا و مشات ركبات حداه، يالاه دارت لاسانتور و هو يديماري مكسيري،تنهدات و ربعات يديها،حطات راسها على الكوسان و غمضات عيونها...

الطريق كاملة كان طاغي عليها الصمت، حتى وصلو لداك الديبو لي كي تجمعو فيه،هبطو و دخلو لقاوهم كلهم من غير البوص و ناجد...