أرويني بدماء جحيمك [Quench me with the blood of your hell]

𝑃𝐴𝑅𝑇❀108

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀108

ظهرو على وجهها ملامح الدهشة من بعد ما شافتو خارج من ديك الشقة،طلعاتو و هبطاتو و هي عاقدة حواجبها قبل ما يستقرو عيونها على وجه العقرب لي واقف مربع يديه و كي خنزر، اصابتها الحيرة فهاد اللحظة و ما بقات فهمات والو، و يالاه حلات فمها بغات تسولو حتى كي قاطعها بنبرته الخشنة ملي عاود نطق مخاطب ديك البنت...

العقرب: ما كاتسمعيش؟ دخلي غايخرج شي حد و يشوفك..

البنت(دارت لعندو و نطقات بالداريجة): هاني جايا...(رجعات شافت فليليان لي تزادتها صدمة اخرى و قالت بالايطالية) كانتمنى تنقصي من الصداع راه راسي قرب يتفرگع...

ليليان(وعات على راسها و حولات ليها انظارها قبل ما تجاوبها بالداريجة): واخا سمحو ليا...دابا نطفيها...

البنت: امم شكرا...(وسعات عيونها) بلاتي نتي مغربية؟

ليليان: اه...سميتي ليليان(مدات ليها يديها)

البنت(بادلاتها السلام بإبتسامة): اووه...مشرفين انا شيماء...

ليليان: شيماء...مشرفين...

العقرب(بإنفعال): شيما...دخلي راه دويت...

شيماء(شافت فيه): واخا واخا...(رجعات شافت فليليان و قالت) يالاه بسلامة نخليك...

ليليان(قالت و هي راسمة على ثغرها ابتسامة): بسلامة...

شيماء عطاتها بالظهر و مشات دخلات لنفس الشقة لي فيها العقرب، هاد الاخير لي وجه انظارو لليليان لقاها كاتشوفيه و على لسانها الف سؤال و سؤال، طلعها و هبطها بعينيه كي حقق فالبيجامة لي لاصقة مع لحمها و سيقانها لي عريانين و هو يدخل و ضر ب بالباب حتى قفزات من بلاصتها...

ليليان كشرات ملامحها من بعد ما هاجموها مشاعر غير مفهومة و حدرات راسها للأرض ساهية كاتناظرو بعيون حائرة، حنحنات كاتحاول تبلع غصتها و حطات يديها على قلبها ملي حسات بيه كي نبض بسرعة، زيرات على البيجامة بيديها و رجعات شافت فباب الشقة لي فيها العقرب، جانب منها كي قنع فيها باش تمشي تدق عليه و تسولو باش ترضي فضولها لكن جانبها العقلاني خلاها تطرح سؤال على راسها فبلاصة ما تطرحو عليه هو"شنو علاقتي بيه؟ "