أرويني بدماء جحيمك [Quench me with the blood of your hell]

𝑃𝐴𝑅𝑇❀9

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀9

كان مزير عليها بكامل قوته ما رحمش حالتها الخطيرة،و ما دارش بعين الاعتبار انها اصلا كاتصارع المو ت،شوية كشر ملامحو ملي شاف حواجبها كي تحركو هبط عينيه ليديها لقاها كاتحرك صباعها،لحظات حتى بدا كي سمع صوت جهاز قياس نبض القلب، شافيه بان ليه نبض قلبها في تباطئ، رجع شافيها لقا وجهها حمر و الدموع هابطين من جنب عيونها...

فلحظة وعى على راسو و حيد دغيا يديه قبل ما يقبض روحها،و مع حيد يديه تنفسات لمياء مخرجة مع نفسها شهقة من الاعماق،بقا طالع فوقها كي شوفيها و هي كاتتنفس صعوبة رغم ان جهاز التنفس دايرينو ليها...

ثواني و هو يوسع عينيه بصدمة ملي شافها كاتحل عيونها ببطئ،حتى قدرات تحلهم و وجهاتهم ليه، كانو عيونها مدمعين و حمرين، بقات كاتشوفيه للحظات قليلة قبل ما ترجع تسدهم ثاني...

ساجد ناض من فوقها و بقا كي حقق فيها لمدة قبل ما يدوز بيديه على وجهو كي زفر، حقدو و كرهو ليها خلاوه يتسرع، غير فكرة انها مازال حية ستفزاتو و خلاتو يجي لهنا ياخد روحها بلا ما يفكر...

رجع شافيها شوفة أخيرة قبل ما يعطيها بالظهر و يمشي من تما، مخلي ريحتو فالغرفة مخلطة مع ريحة المعقمات، و مخلي معاهم آثار وحشيته على عنقها...

عند ناجد لي كان دوش و لبس عليه حوايجو،خرج من بيتو غادي قاصد الباب باغي يخرج بلش يرجع للسبيطار عند لمياء، حتى كاتوقفو بصوتها...

وجدان: غادي عندها عاوتاني؟

ناجد( بقا واقف عاطيها بالظهر كي زفر، شوية دار لعندها عاقد حواجبو و قال): فخبارك بلي عيقتي على ك رك بزاف؟

وجدان(كشرات ملامحها): علاش؟

ناجد(قرب لعندها مخنزر): ا ز بي ما تبقايش كل ساعة فارعة ليا ك ري، ما بغيتيش تفهمي؟ نصيفطك فحالك باش نهني راسي؟

وجدان(بلعات ريقها و حدرات عيونها): لا ا سيدي سمح ليا، اخر مرة

طلعها و هبطها و عطاها بالظهر غادي خارج،غير سمعات الباب تحل و تسد و هي تهز راسها فيه، تأكدات من انه مشا و هي تزير على يديها مفقوصة...

ناجد وصل للسبيطار، خدا ليه قهوة عاد طلع لعندها،دخل للشومبر و جر كرسي جلس حداها، رشف من قهوتو و بقا كي حقق فملامحها...