أرويني بدماء جحيمك [Quench me with the blood of your hell]

𝑃𝐴𝑅𝑇❀30

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀30

ليليان كانت فبيتها متكية فالناموسية و مدفية بالمانطة،حاطة فوق حجرها بيسي بورطابل و مركزة مع داكشي لي كاتقرا أشد تركيز،ضوء البرق و صوت الرعد لي كانو مجهدين ما قدروش يشتتو انتباهها،ليليان من النوع لي الى شدها الفضول على شي حاجة كاتبقا تقلب و تغوص فالبحث حتى تلقا ليها الحل...

عقدات حواجبها و ميلات شفايفها كاتربط فالأحداث و كاتحاول تحلل شخصية ليسا من خلال لي شافت و لي سمعات عليها،واضح وضوح الشمس للجميع ان زين ما كي بغيهاش الا هي..

هي فقط لي دماغها كي وهمها بلي باغيها،و حتى لو تعامل معاها خايب فكاترجع اللومة للناس لي دايرين بيه و كاتعطيه اعذار و مبررات...

مثلا دماغها كي نسج ليها تخيلات و كي خليها تعتاقد بلي شهيدة كاتعمر زين عليها داكشي علاش كي تجاهلها،ساجد كذلك كانت كاتشوفو داك الشخص لي كاره يشوفها فرحانة مع زين، و ليليان كاتشوفها هي ديك خطا فة الرجال لي حاطة عيونها على زين و بغات تاخدو منها...

ليليان فهاد اللحظة جاتها حالة ليسا بحال شي تحدي و خاصها تربح فيه، اول مرة تتصادف مع شخص كي عاني من هاد المرض النادر و لي العلاج منو كي تطلب قوة و صبر لا من المريض لا من الطبيب النفسي...

ليليان(رجعات خصلة من شعرها لورا وذنيها):اممم...متلازمة الهوس العاطفي...

عند وجدان لي كانت يالاه خرجات من الدوش و جلسات قدام المراية كاتدهن جسمها بكريمات معطرة،سالات و نشفات شعرها و خلاتو مطلوق،عاد حيدات الفوطة و لبسات بيجامتها لي كانت سخونة...

هاد المدة كلها و هي كاتسمع صوت السعال ديال ناجد لي ثانية من ورا ثانية كي تزاد حدة،جا فبالها لا ما ت ليها هنا و هي بوحدها كي غادي تدير تتعامل معاه؟ زفرات بسخط و خرجات من بيتها متوجهة لعندو،دخلات و هو يبان ليها ناعس و لابس حوايج كثار طامع فيهم يسخنوه بسبب ديك الرعشة لي كاتسري فجسدو...

قربات ليه وقفات عليه كاتحقق فملامحو،المرض كان ظاهر عليه،نيفو حمر و العرق هابط من جبينو و مفزگ شعرو، مدات يديها تقيس حرارتو و غير ستشعراتها و هي تشهق مصدومة من السخانة لي وصل ليها...

بعات تحيد ليه المانطة لكن كان شادها بإحكام رغم انه كي ترعد،حركاتو كاتنادي بإسمو لكن لا من مجيب،كان ساد عينيه مرة كي كحب مرة كي عطس...