أرويني بدماء جحيمك [Quench me with the blood of your hell]

𝑃𝐴𝑅𝑇❀40

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀40

إِرتجفت مفاصلها،إرتعشت أوصالها،لسانها تربط و رجليها ما بقاوش قادرين يهزوها، جميع اوصاف الصدمة و الدهشة، كي وصفو حالة لمياء فهاد اللحظة، فقدات توازنها و رجعات باللور كأنها غادي تطيح، حتى كي شدها ساجد من خصرها...

ساجد(همس فوذنها): بشوية عليك...

عيونها كانو مركزين فقط على داك العدول لي خدام كي وجد فالوراق ديال العقد، شوية حدرات راسها كاتنهد بنبرة خافتة، صافي الأمل لي كان باقي ليها تلاشى و اختفى، السؤال لي كان كي دور فبالها قبيلة ها هي لقات جوابو، ديك الغرفة غادي ترجع ليها و تبقا سجينة لها و ليه مدى الحياة...

و هي حادرة راسها بداو كي تسمعو قهقهات انثوية صادرة منها، هزات راسها للسقف و بدات كاتضحك بجنون، بحزن، بفقدان الأمل و بإستسلام، خلات كلشي كي شوفيها عاقدين حواجبهم، من غير ساجد لي من خلال ردة فعلها تأكد من شكوكه و عرفها كانت فعلا كاتخطط لشي حاجة،شاف فزين و العقرب لي غير كي شوفو فلمياء و هي كاتضحك و قال...

ساجد(عنقها مقربها ليه): ما هبيلاش غا فرحانة...(طبع قبلة على راسها) ياك؟

لمياء سكتات من الضحك و صدرات تنهيدة من الاعماق،مسحات الدموع من طرف عيونها و هزات فيه راسها قبل ما تقول بنبرة فيها نوع من الإنكسار...

لمياء: انا حاسة براسي غادي نحماق

ساجد(محتافظ على ابتسامتو):ماشي دابا...حتى نسنيو العقد...

هبط يديه ليديها شبكهم مع ديالو و جرها حتى لفين جالسين، جلسها ففوتوي مقابل معاهم و جلس حداها،لمياء هزات عينيها فزين لي بتاسم ليها و قال.. 

زين: مبروك...(شاف فساجد) فرحت ليكم...

العقرب(عينيه على لمياء): مبروك الزينة...(بان ليه ساجد كي جبد فشي حاجة و هو يوسع عينيه و قال) لا لا بغيت نقول مبروك ا مرت خويا...الله يهديك اخويا السلاح قدام السيد؟

ساجد(رجع السلاح لبلاصتو و شاف فالعدول): بدا السي العدول...

شاف فلمياء لقاها حادرة راسها و كاتقمش صباعها بضفارها، حط عليها يديه و هي تقفز و شافت فيه، بان ليها كي شوف فالعدول و يديه مازال محطوطة على يديها، تنهدات بضيق و رجعات حدرات راسها في حين العدول كي خطب، ما كانتش نهائيا مسوقة لكلامو حتى زير عليها ساجد عاد علات راسها و شافت فيه...