أرويني بدماء جحيمك [Quench me with the blood of your hell]

𝑃𝐴𝑅𝑇❀22

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀22

بلع ريقو رافض يصدق داكشي لي شافت عيونو، لكن بمجرد ما شاف الصورة الثانية و لي كانت فيها اولغا فعمر الشباب،مشهبة شعرها و على ثغرها ابتسامة واسعة، كانت طبق الاصل على سيلين و يستحيل التفرقة بينهم...

فهاد اللحظة قد ما كان الانسان قوى و عقلاني مستحيل يخلي عقلو يتحكم فيه،مستحيل يفكر بعقلانية و هو فهاد الموقف،ما كانتش اي شخص كانت مرتو لي تحرم منها من بعد مدة قصيرة،الانسانة لي تحرم منها فالنهار لي قرر فيه يعتارف بحبو ليها...

غاب العقل و الصدمة حاليا هي المتحكمة،كانت المتنصرة فالمعركة،خلاتو يرجع خطوات للوراء و عيونو موسعهم من الدهشة،كي حس براسو مرفوع ماشي فالواقع، انما فعالم من الخيال...

بقا راجع باللور حتى وصل للباب و خرج بخطوات سراع كأنه كي هرب من داك الحلم لي كي طاردو،بقا كي تمشى فالغابة شارد الذهن و عقلو خلاه فالكوخ بالضبط فبيتها...

وصل للاوطو ديالو و طلع،حط راسو على الفولون و بقا كي زفر كي حاول يخلي عقلو يحضر معاه،بزاف ديال الاسئلة كي طرحهم على نفسو و لكن ما كاين لي يجاوبو عليهم من غيرها هي...هي لي بيديه دفنها فالقبر...

من بعد دقائق من الصمت و حر ـب الحيرة،جا فبالو داريو و لي عندو معلومات على أولغا،جبد التيليفون ديالو كي صوني عليه لكن لا من مجيب،تعصب و بقا كي ضر ب الفولون بيديه بالجهد حتى حبس كي نهج...

زفر من اللعماق محاولة منو باش يهدن نفسو و عاود عيط ليه، المرة اللولة ما جاوبوش انما فالمرة الثانية قبل الاتصال و قال بصوت عالي كأنه كان كي ضحك...

البوص:الو ساجد؟

ساجد(بإنفعال):فينك ا ولد القحـ ـبة؟

البوص(جمع ضحكتو و عقد حواجبو):عند لمياء فالكلينيك...

عير سمع جوابو قطع عليه، البوص شاف فالتيلي ديالو عاقد حواجبو بتساؤل في حين لمياء كانت متكية فبلاصتها و كاتشوفيه...

لمياء(بإستفسار):مالك؟(البوص ميل شفايفو بمعنى ما عرفتش)واش واقعة شي حاجة؟

البوص(حك لحيتو و قال بحيرة):عيط ليا ساجد كي سولني فين انا...بان ليا معصب...