أرويني بدماء جحيمك [Quench me with the blood of your hell]

𝑃𝐴𝑅𝑇❀19

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀19

شهقات حالة فمها بدهشة و مسرحة يديها مخلية الصباغة كاتقطر منها، ساجد لاح السطل و هو كي ناظرها من فوقها لتحتها، معجب بهاد اللوحة الفنية لي صنع بيديه، بتاسم بإنتصار و قال بنبرة حادة آمرة...

ساجد:بيتك...دابا...

ما تحركاتش، كانت الصدمة مازال متملكاها، لحظات و حدرات يديها حادرة معاهم راسها و كاتسوط بسخط،عاد ستوعبات شنو وقع و شنو دار ليها،فهاد اللحظة كاتلوم راسها حيت ثيقاتو و قالت راه خلاني نفرح على خاطري اليوم،فالاصل ما كانش خصها تصدم من هاد الحركة لي دار...

ساجد(بنفس النبرة عاود نطق):طلعي لبيتك و جمعي كـ ـرك شوية، دويت معاك ما مرة ما جوج، عزيز عليك تقصحي راسك و تشدي الضـ...

يالاه بغا يكمل كلامو لي زاد على ما بيها، و هي تسكتو بديك الغوتة لي صدراتها من الاعماق حتى تردد صوتها فالڤيلا كلها، حطات يديها لي عامرين بالصباغة على وذنيها و بقات كاتغوت بالجهد..

خلاتو يكشر ملامحو بإنزعاج، صوتها دخل ليه مع العظام، لكن ما دار حتى ردة فعل، حلاها كاتبرد فقصتها بديك الغوتة حيت عارفها معصبة بزاف، حتى بح صوتها و سالا جهدها، عاد سكتات كاتنهج و كلها كاترعد...

شافت فيه و ملامحها ما كي بانوش بحكم الصباغة معمرها كلها، فقط سواد عيونها لي كان بارز وسط داك البياض،زيرات على يديها مغددة و قبرات ليه باغا تضر بو بركبتها لحجرو و هو يخوي ليها و وقف فالجنب،و حيت الارض عامرة بالصباغة زلقات و جات طايحة على ظهرها فالارض...

ساجد دار يديه فجيوب سروالو الرياضي و بقا واقف عليها كي شوفيها،شوية و هي تبان ليه خبات وجهها بيديها و طلقات العنان لدموعها، بقات كاتبكي بصوت مرتفع و كاتشهق بحرقة...

ساجد(ميل راسو كي شوفيها، عقد غوباشتو و قال بتساؤل):على قبل داك ولد القحـ ـبة كاتبكي؟

لمياء(بصراخ):سكت...(خفضات من نبرة صوتها و قالت مهمومة) سكت عليا راني عييت..

ساجد(ببرود):عييتي عطي لكـ رك الراحة...

لمياء حيدات يديها من وجهها و وجهات عيونها للسقف كاتسوط من اعماق قلبها، كل حرف كي خرج من ثغرو و كل نبرة كي نطق بيها كاتستفزها،مدة و هي هاكداك حتى كي حيد ساجد يديه من جيوبو و كي مدهم ليها...