أرويني بدماء جحيمك [Quench me with the blood of your hell]

𝑃𝐴𝑅𝑇❀74

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هَــواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀74

زكية(وسعات عيونها بصدمة): اويلي....كيفاش؟

لمياء(مصدومة هي الأخرى): واش وجدان؟

ساجد(شافيها مخنزر و رجع شاف فزكية):اييه الواليدة ما ربيتي فيه والو...

زكية(حطات يديها على قلبها مخلوعة): ما تقولش ليا شي وحدة تفلا عليها و حملها؟

ساجد(بتاسم): الله يهديك

زكية:و شنو؟

ساجد: حتى يرجع و يشرح ليك بلانو هو وياها...ندوزو للبلان الثاني، ديك لي حابسة راسها فبيتها غاتتزوج غدا بداك الشماتة...

زكية(بلعات ريقها): ولدي ماشي زربتي؟

ساجد(هز حاجبو):علاش زربت؟ ياك هي لي باغا؟

زكية(تنهدات بضيق): راني خايفة عليها...

ساجد(بسخرية): لي تگلس تخطط و تبلاني گاع ما تخافي عليها(وقف و شاف فلمياء ناطق بصرامة) تهزي قدامي...(وجه انظارو لراسيل و نطق بهدوء) بقاي مع فاروق حتى العشية واخا؟ 

راسيل(حركات راسها): واخا...

ساجد بتاسم ليها قبل ما يتخطاها و يمشي، في حين لمياء ودعاتهم و تبعاتو من اللور و هي كاتبلع فريقها، عارفاه ما غاديش يدوز ليها كلامها بالساهل، و اكيد موجد ليها ثاني شي عقاب كيف ديما...

وصلو للڤيلا و مشات للسيجور جلسات و قلبها كي نبض بسرعة، اما هو طلع للجناح هز تيليفونو لي كان نساه عاد هبط و مشا خرج من الڤيلا تحت انظارها و بلا ما يدوي معاها...

لمياء(خسرات سيفتها): هادا علاياش ناوي ثاني، تفو...

البندقية 🇮🇹...

ناجد دخل للدار و على وجهو علامات التعب، طلع مباشرة للبيت ديال وجدان و دق قبل ما يحل الباب و يدخل، بانت ليه جالسة فالبالكون و كاتأمل داك النهر لي مقابل مع الدار،ناجد تنهد و مشا حتى لعندها وقف حداها...

ناجد(بنبرة خشنة): وجدي راسك...غاتسافري لروما دابا...

وجدان(عقدات حواجبها قبل ما تدور وجهها لعندو كاتشوفيه): كيفاش؟(وقفات تقابلات معاه) و نتا؟ باغي تلوحني فروما و تخليني بوحدي؟