أرويني بدماء جحيمك [Quench me with the blood of your hell]

𝑃𝐴𝑅𝑇❀10

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀10

[الحواࢪ بالإيطالية]

ساجد(هز عليه السلاح و قال بنبرة صارمة): شكون نتا؟

داك الشخص كان مقرقب كي تمايل فمشيتو،لاح الحديدة و جبد موس وجهو ليه: حط داكشي لي عندك ولا مايعجبك حال

هادشي تماما لي كان ناقصو، شفار يتلقى ليه فالغابة و يهددو بالموس من الفوق،بلا كلمة بلا جوج و بلا ما يتردد و لو للحظة،ضغط على الزناد جاب ليه بقرطاسة مباشرة لرجلو حتى طاح الشفار شاد رجليه كي توجع...

ساجد(معصب):نتا لعدو ربك لي بقيتي ليا

شاف فلمياء لي كانت شادا جبهتها و مصدومة من داكشي لي دار للشفار،ماشي بزاف حتى زادها صدمة اخرى ملي تخطاها و مشا خلاها بوحدها تما...

ضحكات مفقوصة و وقفات و هي باقا شادا فجبهتها لي كاتسيل بالد.م، شافت فهاداك لي كي تلوى من الآلام و مشات لعندو هبطات على ركابيها،حيدات ليه التيشرت و قطعات منو طرف دوراتو على جبهتها و طرف اخر دوراتو على رجليه،عاد عاوناتو حتى ناض...

لمياء:صبر معايا حتى نخرجو للشانطي(الشفار حاط دراعو على كتفها و كي نين،في حين هي قالت بعتاب)ملي ماقادش على الشفرة أش داك ليها؟

بقات كاتمشا هي و ياه حتى وصلو للشانطي،حلات الطوموبيل و ركباتو عاد مشات لبلاصتها،ديمارات و انطلقت متوجهة للمستشفى،مسافة الطريق و كانت وصلات...

عاوناتو حتى دخلو و عيطات للممرضات لي جاو داوه،أما هي مشات خيطات الجرح لي ماكانش خطير عاد رجعات فحالها للقصر.

في حين ساجد من بعد ما خلاها تما فوسط الغابة،رجع  للقصر و النيشان مشا للجناح ديالو،دوش عليه عاد مشا تخشا فبلاصتو بحال الى ما وقع والو...

صبح الحال على لمياء لي مانعساتش الليل كامل، بسبب الآلام القا تلة فكرشها و جنبها الايسر،كانت كاتغفى شوية و تنوض ثاني كاتلوى بالوجع...

فاقت و هي كاتبوع مشات النيشان للدوش تقيات الد م ثاني،بقات شحال جالسة كاتقيا حتى سالات و ناضت دوشات،خرجات و مشات للماريو تبدل حوايجها،لبسات سورفيت فالاسود و جمعات شعرها بإهمال،عقمات الجرح لي فجبهتها و دارت سبارادرا عاد هبطات لعندهم لقاتهم مجموعين كي فطرو...