أرويني بدماء جحيمك [Quench me with the blood of your hell]

𝑃𝐴𝑅𝑇❀57

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀57

لمياء وقفات و مشات للكوافوز هزات كلينيكس، رجعات عندو و مداتو ليه قبل ما تنطق...

لمياء: مسح ليا الد.م من دراعي...

ساجد خداه من عندها و وقف، شد ليها دراعها و بقا كي مسح ليها الد.م و هو كي حقق فأول حرف من إسمو، في حين هي الأخرى كانت كاتناظر اسمها لي طبعاتو ليه فصدرو، حتى كي تحل الباب داخلة منو الفرملية، هاد الاخيرة لي غير شافت ساجد وسعات عيونها و مشات لعندو بالخف...

[الحوار بالإيطالية]

الممرضة: مي سينيور...علاش نضتي راك باقي ما بريتيش...

ساجد(كي مسح الد.م من صدرو): انا بخير...

الممرضة(كشرات ملامحها و هي كاتشوف فالجرحة):اووه ا سيدي غادي تنزف بزاف(عقدات حواجبها كاتحاول تقرا الوشمة) لـ لا...(ميلات راسها) لمـ...

لمياء: لمياء...(شافت فيها الممرضة) لي هي أنا...

الممرضة(حنحنات): اه واخا...

لمياء(تنهدات و مشات جلسات فوق الباياص): عاودي قادي ليا السيروم عافاك

الممرضة(حركات راسها): هي اللولة...

مشات الفرملية تجيب برا جديدة، في حين ساجد قرب لعند لمياء و نطق بنبرة آمرة غير قابلة للنقاش...

ساجد:هنا غاتبقاي حتى ترتاحي...

لمياء(شافت فيه و قالت بقلق):كي بقا داريو؟

ساجد(بحدة): داريو و لا ز بي ما كـ ركش فيه...

لمياء(شافت قدامها كاتتنهد):خرج فحالك...

ساجد(جر خصلة من شعرها حتى شافت فيه):كلامي مفهوم؟

لمياء(نطقات بزز): مفهوم...(غير تفكراتو و هي توسع عينيها،قالت بلهفة باغا تعرف اخبارو) ناجد؟ ما تقولش ليا مشا؟

ساجد(خنزر فيها): اش قلت انا؟

لمياء: ناجد نتا عارفو خويا...

ساجد(هز حاجبو):خوك؟ نديرو تحليل DNA؟

لمياء(زفرات مدوزة على وجهها بيديها): راك فهمتي شنو عنيت...ناجد كي عتابرني بحال سارة و ليسا...ما كاين لاش تمنعني نشوفو