أرويني بدماء جحيمك [Quench me with the blood of your hell]

𝑃𝐴𝑅𝑇❀20

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀20

حط يديه على كرشو و هو كي نزف بغزارة، يديه گاع تلطخات بالد.م و الآلام كي نهشو ليه فلحمو،شافيها بعيونو لي محاوطهم الاحمرار و هي كاتنظارو بحقد شديد،يديها باش طعناتو كي ترعدو من فرط الغضب لي كاتحس بيه فهاد اللحظة،الغضب لي ستولى على عقلها و خلاها تدير هاد الخطوة لي من المؤكد غادي تندم عليها...

لاحت المقص فالارض و يالاه تخطاتو باغا تمشي حتى كي شدها من دراعها رجعها لعندو،حل فمو و بصعوبة نطق...

ساجد:ما تمشيش...

لمياء تنترات منو و ضر باتو لكتفو بالضبط فين طعناتو خلاتو يتأوه بألم،خنزرات فيه و رمات اول خطوة باش تمشي حتى كاتحس بشعرها تجر بالجهد، كان ساجد لي جرها و قبل ما تنطق بشي حرف جمع معاها بصفعة قوية خلاتها ترعف و تفقد وعيها فالبلاصة...

قبل ما تطيح للارض شدها من خصرها و هزها لاحها فوق كتفو لي باقي صحيح،ديك شوية القوة لي بقات ليه هي باش قدر يهزها و يخرج بيها من تما،بعد على الديبو و دخل مع الغابة متوجه لفين خلا الاوطو ديالو بحكم بلاصاها فمكان بعيد شوية على الديبو...

كان كي تمشا بصعوبة العرق كي خرج منو و الد.م ما بغاش يحبس، اما ثقل لمياء على كتفو كان عذاب من نوع اخر،رغم ذلك رافض يغمض عينيه و يستسلم، على الاقل حتى يوصلها لمكان آمن...

كان كي تحسر حتى على الخطة لي ضاعت ليه ثاني بسبب لمياء و تسرعها،حتى كان غادي يشد اولغا و زياد و ها هو ثاني رجع لنقطة الصفر...

من بعد عناء شديد وصل للطوموبيل ديالو،حل الباب و حطها عاد مشا لبلاصتو و هو شاد فكرشو لي كاتنزف كثر من كتفو،مع جلس رجع راسو للور و غمض عينيه كي نين بصوت خافت بزاف...

بلع ريقو كي حاول ما امكن يحافظ على هدوءو و يبقا حال عينيه باش ما يفقدش الوعي،مد يديه بغا يديماري الطوموبيل لكن رجع حدرها ملي حس بحركاتو ثقيلة بزاف، و خطر عليه و على لمياء انه يسوگ بهاد الحالة...

الرعشة بدات كاتطلع معاه و عيونو بداو كي تسدو، وجهم للمياء لي كانت ناعسة فاقدة للوعي و مد يديه ببطئ كي حرك فيها لكن بدون جدوى، و وسط هاد المعاناة لي هو فيها طاحت فبالو فكرة، و شخص واحد هو لي ديما كي فكر فيه فبحال المواقف...