أرويني بدماء جحيمك [Quench me with the blood of your hell]

𝑃𝐴𝑅𝑇❀102

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀102

زين:اهاه...يالاه اجي قرب و قولها ليها نتا بفمك...

العقرب(غادي لعندو كي تمختر فالمشية): هاني خرجت برائة لعدو ربكم...واش انا...انا لي عمرني مديت يدي على بنت المرا...غانغتا صب شي ولية؟

زين(توجه لفين جالسة ليليان و حل عليها الباب): ها هي قولها ليها...

العقرب رمى عيونو لعندها و غير شافها جالسة فمكانها بهدوء و كاتشوف قدامها متفادية الشوفة فيه، و هو يوقف مصدوم موسع عينيه، لسانو تلجم و ما بقا قادر ينطق بحتى حرف...

ناجد(جا لعندهم كي ضحك): عاود قوليها شنو قلتي...يدها فشنو؟

العقرب(حنحن بإحراج): ها...(ساط بغضب ما راضيش)

زين(شاف فليليان): باغا تدوي معاه؟

ليليان دورات وجهها لعند العقرب لي باقي واقف فبلاصتو ما تحركش، جاو عيونها فعيونو و بقاو ساكتين بجوج كي تبادلو النظرات بيناتهم، غير شوفاتهم لبعضهم كانت حكاية عنوانها الخذلان،كانت كلمة كاترجم شعورهم بجوجهم...

هي لحد الساعة باقا غارقة فبحر الحيرة و ما عارفاه واش نيت مذنب و لا خرجوه صحابو بسهولة رغم انه فعلا مذنب، في حين هو كان كي تسآل كيفاش قدرات تشك فيه بلي ممكن يكون وراء داك الفعل الشنيع...

و من بعد لحظات من الصمت و حديث الأعين، أخيرا ليليان حيدات عيونها من عليه و رجعات شافت قدامها قبل ما تقول بنبرة باردة مصطنعة...

ليليان: ما عندي ما نقول...

زين(شاف فالعقرب): و نتا؟

العقرب(بنفس نبرتها قال): حتى أنا ما عندي ما نقول...

ناجد: وا غير شرح ليها يا ز بي بلي ما درتي والو...

العقرب(عينيه عليها): غا خليني داير....

زين(سد الباب على ليليان): نتوما غاتهربوه ليا...(قرب ليه و نطق بتساؤل) صافي البلان تحل؟ اش وقع و لاش كتبات سميتك؟

العقرب(تنهد بضيق): صافي نسا عليا القلا وي...كانتفكر بلي دوات معايا فنفس النهار لي نتا حرات فيه كي تخربق ليا المزاج...(بندم) كون حساب لي غاتديرها كون تزوجت بيها انا گاع...