أرويني بدماء جحيمك [Quench me with the blood of your hell]

𝑃𝐴𝑅𝑇❀43

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀43

دازت ديك الليلة لي كانت طويلة عند البعض و قصيرة عند البعض الاخر، و عندو هو كانت ليلة من التعب و المجهودات المضاعفة، قربو يلقاو الڤيلا ديال ديموني بمساعدة العقرب لي جاب ليه اخر مكان كي كون فيه قبل ما يختافاو آثارو، و فكل يوم نفس الشي غير كي وصل لمكان محدد كي ختفى...

فالبيرو ديالو كان جالس متكي ظهرو على الكرسي و مغمض عينيه كي حاول يرتاح شوية، قدامو كانت الخريطة ديال المدينة كلها ظاهرة على البيسي، و من خلالها كان كي قلب على الطريق لي ممكن ياخد باش يمشي لدارو...

ساط مطولاً و ناض كي تكسل، توجه للطواليط غسل وجهو بما بارد حتى سالا و مسحو بالفوطة عاد خرج،داز لبيتها ما لقاهاش و هبط للتحت كي قلب عليها، ما كانتش فالسيجور و دخل للكوزينة لقاها جالسة فالطبلة شادا راسها و كاتزفر...

مشا حتى لعندها و هبط طبع قبلة على راسها، قبل ما يعتادل فالوقفة و يقول بتساؤل ساخر...

ساجد: ياك ما زارك فالمْنام؟

لمياء(كانت مازال على نفس وضعيتها ما كاتشوفش فيه): شكون؟

ساجد: لي تقطعات ليه يد بسبابك

لمياء(تنهدات و قالت بتعب):كانرحب بأي واحد يزورني فالمنام...الا واحد ها هو حدايا...

ساجد(بان ليه كاس فيه مشروب ساخن و هزو مكشر ملامحو):شنو هادشي كاتشربي فيه( قربو لنيفو شمو عرفو مشروب الريحان و لي كان قادو ليها ديك المرة)هادا لاش كاتشربي فيه؟(حطو حداها) عيانة؟

لمياء(هزات فيه راسها و شافت فيه محمرة فيه بعيونها): مازال كاتسولني واش عيانة؟

ساجد(كي حقق فيها): دوك العينين(مد جوج من صباعو لعينيها و هي تهرب وجهها) غانتقبهم ليك...

لمياء(رجعات شدات راسها و قالت): خليني عليك هاد الليلة الله يرحم ليك باك

ساجد(ربع يديه قبل ما ينطق بصوت رخيم):هادشي كامل حيت جبنا ليك حقك...؟ مصرفقك و كاتسناي مني نسكت ليه؟

لمياء(تنهدات بإرهاق):اش من حق جبتي ليا؟ حقي جيبو ليا منك(هزات فيه عيونها) لا كانت كل يد تمدات عليا تقطع، بدا براسك نتا،على هاد الحساب كلك خاصك تتقطع طراف، كل طرف فيك تحط على لحمي(جمعات قبضة يديها و ضر باتو لرجولتو) حتى من هادا