🩸أࢪوينـــــــي بدمــــ♡ـــاءِ جحيـــــــمكَ🩸
🫀الفصـل الثالــث و الأخيـࢪ:دَع القَلْـــبَ يَهْـــوَى🫀
♡لَـوْ ذقـت يا غزالـي،ما ذُقْــتُ في هـواك♡
✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀125
لحسن حظ لمياء كان جنبها لاڤابو خباها على ساجد لي دخل كي قلب عليها، في حين هي فاللحظة لي سمعات فيها الباب تحل خبات بالخف اختبار الحمل ورا ظهرها قبل ما توقف و تخدم لاساش...
ساجد دار ليمينه من بعد ما سمع صوت الما و هي تبان ليه كاتهز فسروالها كأنها عاد قضات حاجتها، و بالتخبية خشات الاختبار فجيبها قبل ما تتوجه للاڤابو و تحلو كاتغسل يديها...
ساجد(بتساؤل): علاش كانعيط ليك ما كاتجاوبيش؟
لمياء(ببرود مخبية من وراه توترها): ما سمعتكش...
ساجد(قرب ليها و حط يديه على جبينها كي تحسس حرارتها):مالك ثاني؟ بنتي ليا ماشي حتى لهيه..(حدر يديه)
لمياء(سدات الروبيني و هزات فوطة كاتسمح يديها قبل ما تشوفيه و تنطق بغضب): فنظرك هادشي لي واقع ما يخلينيش نبان ماشي حتى لهيه؟
ساجد(تنهد): انا غادي عند راسيل...تمشي معايا؟
لمياء: لا...
ساجد سكت و بقا كي طلع فيها و يهبط حاس بشي حاجة ماشي هي هاديك ، نظراتو ليها خلاوها تبلع ريقها متوترة حتى عطاها بالظهر و مشا خرج من الدوش عاد تنهد بإرتياح و جبدات الاختبار لي طالعين فيه جوج شراطي، زيرات عليه بيديها و هي كاتشوفيه مخسرة سيفتها و كاتفكر بجدية فهاد الحمل الغير المتوقع و لي أكيد ماشي فوقتو بتاتا...
لمياء: موحال...كانضل نشرب الكينات...اكيد كاين شي غلط فهاد الاختبار...
خسرات سيفتها و هرسات الاختبار على جوج عاد لاحتو فلاساش و دوزات عليه الما، خرجات من الدوش و مشات جلسات فطرف الناموسية قبل ما تهز تيليفونها و تصيفط للطبيبة ديالها ميساج...
لمياء بالإيطالية كتبات ليها 💭 بغيت موعد معاك لا كان ممكن...
الطبيب من بعد دقائق جاوبات 💭مرحبا، امتى بغيتيه؟
لمياء 💭 اليوم
الطبيبة 💭 اوكي غادي نتسناك...
أنت تقرأ
أرويني بدماء جحيمك [Quench me with the blood of your hell]
Romance✨إِنْ كُنْتَ لا تُحِبُّنِي فأتركنِي أُحِبك و أكُون بقُرْبِك.... هَا أنَا مُسْتَعِدة لِحِمَاية من أَحْيَت قلبك.... وَ إنْ لَم أتَوَفَّق يا حبيبي فسَأطْلُبُ عَفْوك... ✨لا تحتاري كثيراً و اسأليني ما الذي سيداوي آلامي؟ أمتشوقة لسماع ردي و ي...
![أرويني بدماء جحيمك [Quench me with the blood of your hell]](https://img.wattpad.com/cover/356577011-64-k425758.jpg)