أرويني بدماء جحيمك [Quench me with the blood of your hell]

𝑃𝐴𝑅𝑇❀111

🩸 أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالـث و الأخيـࢪ:دَع القَلْــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀111

وصلو العنوان فالبلاصة من عند شيماء و ديك الساعة تگعد من بلاصتو و مشا لبس حوايجو بالخف قبل ما يهز الكونطاك ديل طوموبيلتو و يخرج من الشقة، لقا المصعد مشغول و هبط فالدروج بخطوات سراع ما باغيش يضيع الوقت...

خرج من المبنى، ركب فالاوطو و ديمارا مكسيري نحو المقهى، و فطريقو كان كي صوني على زين لكن لا من مجيب بحكم إنشغال هاد الاخير، في حين ليليان كانت مازال جالسة مع صلاح مجمعة معاه...

صلاح: لحد الان ذكرتي ليا شروط كانظن كلهم متوفرين فيا...ضريف ولد الناس حنين...(هز حاجبو) اما الوضع المادي؟ ما كي همكش؟

ليليان: كي هم طبعاً غير هو...

صلاح(قاطعها و نطق بثقة): كيف كاتعرفي انا طبيب جراح...الحمدلله غير الصالير ديال شهر واحد كي ساوي الصالير ديال عام كامل عند موظف عادي...فما كاين لاش تهزي الهم لهادشي...

ليليان عقدات حواجبها و بقات ساكتة لمدة كاتحقق فيه و هو كي رشف من قهوتو و راسم على وجهو ملامح جدية مرفوقة بثقة كبيرة،لحظات و بتاسمات قبل ما تنطق بهدوء...

ليليان: اش من هم غادي نهز؟

صلاح(شافيها): لا تكوني خايفة نعيشك فالفقر(ضحك ضحكة رجولية و دغيا جمعها)

ليليان(قالت و هي محافظة على تبسيمتها): الصراحة اخر حاجة نهز ليها الهم هي هادي...اولا انا الحمدلله بخدمتي و فلوسي...و حتى لو ما كنتش بخدمتي راه واليديا بخيرهم...ثانيا انا عاد كانتعرف عليك لاش خايفني نهز الهم لعيشتي معاك؟(هزات حاجب و نطقات بتساؤل ساخر) ياك ما مخطوبين و انا ما فخباريش؟

صلاح(بتاسم بإحراج لكن بقا محافظ على ثقتو بنفسه): زعما تضيعي هاد الخير لي قدامك؟ راجل مثالي بحالي من الغباء ترفضي تتزوجي بيه...

ليليان(تنهدات و تكات بظهرها على الكرسي):ما كانشوفكش مثالي ماشي حيت كانقص منك انما انا كانآمن بلي المثالية صفة مستحيل تكون فالانسان...ما كاينش شي بني آدم كامل و مكمول...

صلاح(نطق بيقين): و انا كانآمن بلي أنا مثالي و كامل و مكمول...(بتاسم و هو كي داعب فنجان القهوة بصبعو) و هادي شهادة من عند الواليدة خلاتني نتأكد منها من بعد بزاف ديال الانجازات حققتهم فحياتي....يعني من اللخر...(ضحك) سعدات لي غاتتزوج بيا...