🩸أࢪوينـــــــي بدمــــ♡ـــاءِ جحيـــــــمكَ🩸
🗡الفصــــــــل الثـــــــاني:ثــــــــأر قاســـــــي🗡
✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀36بلع ريقو مرعوب، دايخ ما فاهم والو، كان رجل فالاربعينات ملامحو شقراء و عيونو خضراء،ناض قافز شعل الفيوز لي حداه و دار كي شوف فمرتو لي ناعسة جنبو،رجع شاف فساجد هاد الاخير لي باقي على نفس وضعيتو قبل ما يقول بصوت خافت غالبة عليه الرجفة...
ادوارد: شكون نتا؟
ساجد: شتتت...غاتفيق مرتك...و حسن ليك ما تفيقش...(ميل راسو) واش تبغيها تشوفك كاتمو ت قدام عينيها؟(نتر نترة من الگارو و كمل كلامو) و لا بنتك لي ناعسة فالبيت لي حدا هادا؟(ساط الدخان و قال ببرود) و لا صبر جاتني فكرة قو د گاع....اش بان ليك نقتـ ـل بنتك و مرتك قدام عينيك نتا نيت؟
ادوارد(تملكو الخوف، وقف كي ترعد و تقدم خطوة لعندو متردد): غير قوليا شكون نتا و شنو بغيتي؟ ما تآذيش ليا عائلتي و لي بغيتيها نديرها
ساجد(هز عليه يديه و قال بأمر):خليك بعيد...
ادوارد وقف في حين ساجد كان ناوي يكمل كلامو لكن سكت ملي شاف مرتو تحركات كاتقلب للجنب الثاني،حتى تأكد من انها ما فاقتش و رجع شافيه...
ساجد(بصوت رخيم مغلف بالجدية): غاندخل فالموضوع نيشان...نتا محامي معروف عليك ديما كاتربح القضايا... مشهور و كلشي كي عرفك...ربحتي فلوس صحيحة و نتا كاتدافع على القتـ ـلة...المغتصـ ـبين...البزنازة...و الريوس الكبار د الدولة لي غارقين فالفساد...داكشي علاش بلا ما تدير ليا كـ ـرك مصدوم فاش نطلب...(سكت للحظة و كمل) فاش نأمرك تولي تخدم لصالح مافيا الد.م الأسود
ادوارد(غير سمع اسم المافيا سرات رجفة غير طبيعية فجسمو خلاتو يحرك راسو بالموافقة بلا ما يحس):نخدم لصالحها علاش لي ما نخدمش...
ساجد(ظهرات على شفايفو شبه ابتسامة):مزيان...أحسن قرار تاخد...(لاح بينتة الگارو و هبط من الحديدة زطم عليها) نايت كلوبVino rosso، هو فاش كانتجمعو....نهار نعيطو ليك نلقاوك تما...
ادوارد(مازال الرجفة متملكاه): شنو خدمتي؟
ساجد:محامي الد.م الأسود...هادي خدمتك...اي واحد فينا تشد نتا تخرجو، من كبار اعضاء العائلة لأصغر واحد فيهم(هز فيه حاجبو رغم ان ملامحو ما بايناش لإدوارد) مفهوم؟
ادوارد(حرك راسو بسرعة): مفهوم...
ساجد:و هادشي عندو مقابل...فلوس صحيحة و نوفرو الحماية لمرتك و بنتك...راك اصلا مقو دها مع بزاف...
أنت تقرأ
أرويني بدماء جحيمك [Quench me with the blood of your hell]
Romance✨إِنْ كُنْتَ لا تُحِبُّنِي فأتركنِي أُحِبك و أكُون بقُرْبِك.... هَا أنَا مُسْتَعِدة لِحِمَاية من أَحْيَت قلبك.... وَ إنْ لَم أتَوَفَّق يا حبيبي فسَأطْلُبُ عَفْوك... ✨لا تحتاري كثيراً و اسأليني ما الذي سيداوي آلامي؟ أمتشوقة لسماع ردي و ي...